Pawan Kalyan: Telugu film producers met with Deputy CM
Pawan Kalyan: ఏపీ డిప్యూటీ సీఎం పవన్ కల్యాణ్‌తో తెలుగు సినీ నిర్మాతలు భేటీ అయ్యారు. హైదరాబాద్ నుంచి గన్నవరం విమానాశ్రయానికి నిర్మాతలు చేరుకుని.. తర్వాత డిప్యూటీ సీఎం పవన్ కల్యాణ్ క్యాంపు కార్యాలయానికి చేరుకున్నారు. భేటీలో సినీ పరిశ్రమ ఇబ్బందులను పవన్‌కు వివరించారు. ఈ భేటీలో సినిమాటోగ్రఫీ మంత్రి కందుల దుర్గేష్ కూడా ఉన్నారు.
ఇది కూడా చూడండి: Maternity Leave : ఉద్యోగులకు గుడ్ న్యూస్.. వారికి ఆర్నెళ్ల పాటు సెలవులు
ప్రముఖ నిర్మాత అల్లు అరవింద్, అశ్వనీదత్, డి.సురేశ్ బాబు, ఏఎం రత్నం, ఎస్.రాధాకృష్ణ, దిల్ రాజు, ఎన్వీ ప్రసాద్, భోగపల్లి ప్రసాద్, డీవీవీ దానయ్య, సుప్రియ, బన్ని వాసు, నాగవంశీ, వంశీకృష్ణ, రవిశంకర్, నవీన్ యర్నేని డిప్యూటీ సీఎంతో భేటీ అయ్యారు. ఆ తర్వాత అల్లు అరవింద్ మీడియాతో మాట్లాడారు. డిప్యూటీ సీఎం పవన్‌ను సినీ పరిశ్రమ తరపున అభినందించాం. ఆ తర్వాత అందరం కలిసి మాట్లాడుకున్నాం. అలాగే సీఎం చంద్రబాబు అపాయింట్‌మెంట్ ఇప్పించాలని కోరారని తెలిపారు. అపాయింట్‌మెంట్ ఇప్పిస్తే సినీ పరిశ్రమకు సంబంధించిన సమస్యలపై సీఎంతో చర్చిస్తామని తెలిపారు. అలాగే పరిశ్రమలో చాలా సమస్యలు ఉన్నాయని, సినిమా టికెట్లు రేట్లు పెంచడం అనేది చాలా చిన్న విషయమని తెలిపారు.
ఇది కూడా చూడండి: Kalki 2898AD: ‘కల్కి’ బుకింగ్స్‌లో కొత్త రికార్డ్.. మరి బడ్జెట్, పారితోషికం, బ్రేక్ ఈవెన్ టార్గెట్ ఎంత?
