బాపట్ల: కర్లపాలెం మండల కేంద్రంలో జాతీయ రహదారి వెంబడి అసంపూర్తిగా డ్రైనేజీ నిర్మాణం చేపట్టడంతో మురుగునీరు గృహాల ముందుకు చేరి దుర్వాసన వెదజల్లుతుందని స్థానికులు ఆవేదన వ్యక్తం చేస్తున్నారు. డ్రైనేజ్ నిర్మాణం పూర్తి కాకపోవడంతో గృహాల నుంచి విడుదలయ్యే వ్యర్థాలు నీరు రహదారిపైకి చేరడంతో దోమలు అధికమవుతున్నాయని వాపోతున్నారు.
ATP: విశ్వహిందూ పరిషత్ ఆంధ్ర ప్రదేశ్ వారు భారతదేశంలోని హిందూ దేవాలయాల పరిరక్షణ కోసం జనవరి 5వ తేదీన తలపెట్టిన చలో విజయవాడ హైందవ శంఖారావం కార్యక్రమానికి గుంతకల్లు ఎమ్మెల్యే గుమ్మనూరు జయరాం విశ్వహిందూ పరిషత్ కమిటీ సభ్యులకు ఆదివారం లక్ష రూపాయల విరాళంగా అందజేశారు. విశ్వ హిందూ పరిషత్ కమిటీ సభ్యులు గుంతకల్లు ఎమ్మెల్యే గుమ్మనూరు జయరామ్‌కు కృతజ్ఞతలు తెలిపారు.
NTR: సంక్రాంతి పండుగకు తిరువూరు నియోజకవర్గంలో ఎలాంటి జూదాలకు ఇతర అసాంఘిక కార్యక్రమాలకు అనుమతులు ఉండవని ఎమ్మెల్యే కొలికపూడి శ్రీనివాసరావు ముందుగా హెచ్చరించారు. ఎవరైనా ఆ ఏర్పాట్లు చేసినట్లయితే భవిష్యత్ పరిణామాలకు వారే బాధ్యులని సోషల్ మీడియా మాధ్యమం ద్వారా హెచ్చరించారు. కాగా, అసాంఘిక కార్యక్రమాలు నిర్వహించే ప్రసక్తే లేదని పేర్కొన్నారు.
W.G: నరసాపురం మండలం లింగనబోయిన చర్లలో వెలసిన గంగాలమ్మను ఆదివారం ప్రత్యేకంగా అలంకరించారు. చుట్టుపక్కల గ్రామాల నుంచి పెద్దఎత్తున భక్తులు తరలివచ్చి అమ్మవారికి సారే, నైవేద్యాలు సమర్పించారు. ఈ సందర్భంగా భక్తులకు తీర్థప్రసాదాలను అందించారు. ఎవరికీ ఎలాంటి ఇబ్బందులు కలగకుండా ఆలయ కమిటీ సభ్యులు ఏర్పాట్లు చేశారు.
KDP: కొండాపురం మండలం వెంకటాపురం గ్రామం వద్ద కారు-స్కూటర్ ఢీకొని రోడ్డు ప్రమాదం జరిగిన విషయం తెలిసిందే. రోడ్డు ప్రమాదంలో గాయపడిన వారుకొండాపురం మండలం దత్తాపురం గ్రామానికి చెందిన అశోక్ (18), అనంతపురం జిల్లా సూరేపల్లి గ్రామానికి చెందిన రాము(33), ప్రణయ్(10)గా స్థానికులు తెలిపారు. వీరిలో అశోక్‌కు కాలు, చేయి విరిగింది. ప్రణయ్, రాములకి కాలు విరిగి గాయాలైనట్లు సమాచారం.
CTR: పులిచెర్ల మండలం కావేటిగారిపల్లి పంచాయతీలో సోమవారం ఉదయం 9 గంటలకు నియోజకవర్గ టీడీపీ ఇన్‌చార్జ్ చల్లా రామచంద్రారెడ్డి పర్యటిస్తున్నట్లు ఆ పార్టీ నాయకులు తెలిపారు. మల్లేశ్వరకొండపై వెలిసిన ఆలయాన్ని సందర్శించి ఆలయ అభివృద్ధిపై నాయకులతో చల్లా చర్చించనున్నారు. ఈ కార్యక్రమానికి మండలంలోని నాయకులు, కార్యకర్తలు హాజరుకావాలని తెలిపారు.
కోనసీమ: ఇటీవల కాకినాడలో ద్రోణ బ్యాట్మెంటన్ ఇండోర్ స్టేడియంలో జరిగిన కరాటే పోటీలలో ప్రతిభ కనబరిచిన రావులపాలెం హైస్కూల్ విద్యార్థులను కొత్తపేట ఎమ్మెల్యే బండారు సత్యానందరావు ఆదివారం అభినందించారు. విద్యార్థుల వివరాలు తెలుసుకొని వారు మరింత ఉన్నతంగా రాణించాలని అభిలాషించారు. ప్రతిభావంతులకు ప్రభుత్వం ప్రాధాన్యం ఇస్తుందని చెప్పారు.
చిత్తూరు జిల్లా ఎస్సీ, ఎస్టీ విజిలెన్స్ అండ్ మానిటరింగ్ కమిటీ సభ్యునిగా పుంగనూరు మండలం, సుగాలి మిట్టకు చెందిన బాణావత్ మునీంద్ర నాయక్‌ను నియమిస్తూ జిల్లా కలెక్టర్ ఉత్తర్వులు జారీ చేశారు. ఈ సందర్భంగా మునీంద్ర నాయక్ ఆదివారం మాట్లాడుతూ.. ఈ ఉత్తర్వులను తనకు శనివారం సాయంత్రం అందజేశారని అన్నారు. ఎస్సీ, ఎస్టీలు అందరికీ అందుబాటులో ఉంటూ సేవలందిస్తానన్నారు.
NLR: జిల్లా ఎస్పీ కార్యాలయం నందు సోమవారం జరిగే ప్రజా సమస్యల పరిష్కార వేదిక కార్యక్రమం కొన్ని అనివార్య కారణాల వల్ల రద్దు అయిందని ఎస్పీ కార్యాలయం అధికారులు ప్రజలు గమనించి సహకరించగలరని తెలిపారు. ప్రజలు ఎవరైనా ఫిర్యాదులు, విన్నపములు చేయదలచిన వారుంటే సంబంధిత సమీప పోలీసు స్టేషన్ నందు ఫిర్యాదు చేయవచ్చని తెలిపారు.
NDL: బనగానపల్లె మాజీ MLA కాటసాని రామిరెడ్డి కీలక నిర్ణయం తీసుకున్నారు. 2025 నూతన సంవత్సర వేడుకలకు దూరంగా ఉంటున్నట్లు ప్రకటించారు. న్యూ ఇయర్ వేడుకలకు YCP పార్టీ శ్రేణులకు తాను అందుబాటులో ఉండటం లేదని కాటసాని స్పష్టం చేశారు. గ్రామాల్లో ప్రశాంతంగా వేడుకలు జరుపుకోవాలని పిలుపునిచ్చారు. ప్రజలు, రైతులకు నూతన సంవత్సర శుభాకాంక్షలు తెలిపారు.
PLD: సత్తెనపల్లి ఆర్డీఓ కార్యాలయంలో PC & PNDT సబ్ డిస్ట్రిక్ట్ లెవెల్ కమిటీ, అడ్వైజరీ కమిటీ మీటింగ్ రెవెన్యూ డివిజనల్ అధికారి జివి రమణకాంత్ రెడ్డి ఆధ్వర్యంలో ఆదివారం జరిగింది. స్కాన్ సెంటర్లు చట్టప్రకారం పాటించాల్సిన నియమాలు, అతిక్రమణకు ఎదుర్కోవాల్సిన పరిణామాల గురించి చర్చించారు. స్కానింగ్ కేంద్రాల్లో బ్యానర్లు సక్రమంగా ప్రదర్శించాలని అన్నారు.
KDP: కొండాపురం మండలం వెంకటాపురం గ్రామం వద్ద ఆదివారం ఉదయం రోడ్డు ప్రమాదం జరిగింది. స్థానికుల వివరాల ప్రకారం.. ముద్దనూరు నుంచి తాడిపత్రి వైపు వెళ్తున్న కారు తాడిపత్రి నుంచి కొండాపురం వైపు వస్తున్న బైక్ ఎదురెదురుగా ఢీకొన్నాయి. ఈ ప్రమాదంలో స్కూటర్‌లో వెళ్తున్న ముగ్గురు వ్యక్తులకు కాళ్లు విరిగినట్లు సమాచారం. మరిన్ని వివరాలు తెలియాల్సిఉంది.
KDP: ఇకనుంచి గ్రామాల్లో నిర్వహించే ఉపాధి పనులకు కొత్త నిబంధనలు కేంద్ర ప్రభుత్వం తీసుకొచ్చింది. ఉపాధి హామీ పథకంలో భాగంగా.. కేంద్ర ప్రభుత్వం కొత్త నిబంధనల ప్రకారం ఈ పథకం కింద గుర్తించిన పనులను ఆ ఏడాదిలోనే పూర్తి చేయాలని, ఒకవేళ ఉపాధి పనులు పూర్తి కాకపోతే అందుకు కారణాలు తెలియజేయాలని, ఏడాదిలోగా పూర్తి చేసిన పనులకు మాత్రమే బిల్లులు మంజూరవుతాయని తెలిపింది.
కడప: టీడీపీ ఎమ్మెల్సీ రామచంద్రయ్య తనయుడు అకాల మరణం చెందిన నేపథ్యంలో మాజీ డిప్యూటీ సీఎం అంజాద్ బాషా నివాళులర్పించారు. కడపలోని కో-ఆపరేటివ్ కాలనీలోని ఎమ్మెల్సీ నివాసంలో విష్ణు స్వరూప్ పార్థివదేహానికి పూలమాలలు వేసి నివాళులు అర్పించారు. ఈ సందర్భంగా ఎమ్మెల్సీ రామచంద్రయ్యను, కుటుంబసభ్యులను అయన పరామర్శించి ధైర్యంగా ఉండాలని భరోసా ఇచ్చారు.
NLR: విడవలూరు పట్టణంలోని శ్రీ అంకమ్మ తల్లి దేవస్థానంలో ఆదివారం సందర్భంగా ప్రత్యేక పూజ కార్యక్రమాలను నిర్వహించారు. అమ్మవారికి అభిషేకం తదితర పూజా కార్యక్రమాలు అంగరంగ వైభవంగా జరిగాయి. ప్రత్యేక పుష్ప అలంకరణలో శ్రీ అంకమ్మ తల్లి భక్తులకు దర్శనమిచ్చారు. భక్తులు విచ్చేసి అమ్మవారిని దర్శించుకున్నారు. తదుపరి తీర్థ ప్రసాదాలను స్వీకరించారు.
