Chandrababu: టీడీపీ అధినేత చంద్రబాబు నాయుడు ఈరోజు ఆపార్టీ విరాళా వెబ్‌సైట్‌ను ప్రారంభించారు. పార్టీ కేంద్ర కార్యాలయం అయిన మంగళగిరిలో ఏర్పాటు చేసిన కార్యక్రమంలో https://tdpforandhra.com వైబ్‌సైట్‌ను ప్రారంభించారు. తొలి చందాగా చంద్రబాబు రూ.99,999 రూపాయిల విరాళాన్ని పార్టీకి అందజేశారు. తెలుగుదేశం పార్టీ మద్దతుదారులు ఈ వెబ్‌సైట్ ద్వారా విరాళాలు ఇవ్వాలని తెలిపారు. విరాళాల ఇచ్చిన వాళ్లకి రశీదులు కూడా ఇస్తామని తెలిపారు. ఎన్‌ఆర్ఐల కోసం ఈ వెబ్‌సైట్‌లో అవకాశం కల్పించినట్లు తెలిపారు.
ఇది కూడా చూడండి: Fruits : రాత్రి పూట ఈ పండ్ల జోలికి అస్సలు పోవద్దు!
అమెరికాలో రాజకీయ విరాళాలకు న్యాయపరంగా అనుమతి ఉందన్నారు. ఎన్‌ఆర్‌ఐలు పార్టీకి విరాళాలు ఇవ్వడమే కాదు.. ఏపీకి వచ్చి పార్టీ కోసం, రాష్ట్రం కోసం పనిచేయాలని కోరారు. పార్టీ కార్యకర్తలు, సానుభూతి పరుల వారి నుంచే విరాళాలు సేకరిస్తున్నట్లు తెలిపారు. రాష్ట్ర ప్రజలు గెలవాలి.. రాష్ట్రం నిలబడాలి. రాష్ట్రాన్ని కాపాడుకోవాలనే ధ్యేయంతో మూడు పార్టీలు ముందుకు వచ్చాయి. రాష్ట్రాన్ని కాపాడుకోవడంలో ప్రజల భాగస్వామ్యం ఉండాలి. రాష్ట్రంలో ఒకే ఒక్కడు బాగుపడ్డాడు.. 5 కోట్ల మంది నష్టపోయారు. సంపద సృష్టించడమే కాదు.. ప్రజలకు ఉపయోగపడేలా చూడాలని చంద్రబాబు అన్నారు.
ఇది కూడా చూడండి: Love Mouli Trailer: నవదీప్ లవ్ మౌళి ట్రైల‌ర్.. ఎలా ఉందంటే?
