టీడీపీ నేత నారా లోకేశ్ యువగళంపై హిందుపురం ఎమెల్యే బాలకృష్ణ ఆసక్తికర కామెంట్స్ చేశారు. లోకేశ్ పాదయాత్రను అడ్డుకుంటే జనం తిరగబడతారని బాలయ్య జోస్యం చెప్పారు. యువగళంతో యువతకు ఉజ్వల భవిష్యత్ ఉండబోతుందన్నారు. ఏపీ ప్రజలంతా లోకేశ్ ను ఆశీర్వదించాలని కోరారు. తాను కూడా లోకేశ్ పాదయాత్రలో పాల్గొంటానని చెప్పారు. యువగళానికి అనుసంధానంగా హిందూపురంలో పలు కార్యక్రమాలను చేపడతానని పేర్కొన్నారు. ఇండియా మ్యాప్ నుంచి ఏపీ కనుమరుగయ్యే పరిస్థితి ఉందన్నారు. నారా లోకేశ్ చిత్తూరు జిల్లా కుప్పం చేరుకున్నారు. టీడీపీ నేతలు ఆయనకు ఘనంగా స్వాగతం పలికారు. కాసేపట్లో టీడీపీ శ్రేణులతో లోకేష్ సమావేశం కానున్నారు. యువగళంప పార్టీ శ్రేణులకు లోకేశ్ దిశానిర్ధేశం చేయనున్నారు. మధ్యాహ్నం 3 గంటలకు కుప్పంలో బహిరంగ సభ ఉంటుంది. లోకేశ్ యువగళంతో కుప్పం పట్టణం పసుపుమయంగా మారింది.
