టీడీపీ అధినేత చంద్రబాబు కస్టడీని కోరుతూ సీఐడీ వేసిన పిటిషన్‌పై బుధవారం వాదనలు వాడివేడిగా సాగాయి. సీఐడీ తరపున పొన్నవోలు సుధాకర్ రెడ్డి తమ వాదనలు వినిపించారు. అలాగే చంద్రబాబు తరపున ఢిల్లీ లాయర్ సిద్ధార్థ లూద్రా వాదనలు వినిపించారు. ఇరువైపుల వాదనలు విన్న ఏసీబీ కోర్టు తీర్పును రేపటికి వాయిదా వేసింది. రేపు ఉదయం 11.30 గంటలకు ఈ కేసుపై తీర్పు వెలువడనుంది.
చదవండి: CM Jagan: ఏపీ సీఎం జగన్‌కు అస్వస్థత..అపాయింట్‌మెంట్లన్నీ రద్దు
చంద్రబాబును పూర్తి ఆధారాలతో అరెస్ట్ చేశామని సీఐడీ వాదనలు వినిపించింది. ఆయనను విచారించడం కోసం ఐదు రోజుల పాటు కస్టడీకి ఇవ్వాలని కూడా కోరింది. అయితే ఆయనను సిట్ కార్యాలయంలోనే విచారించారని, అసలు ఆధారాలు లేకుండా అరెస్ట్ చేశారని, కాబట్టి కస్టడీ పిటిషన్‌ను తిరస్కరించాలని సిద్ధార్థ లూద్రా కోర్టులో బలంగా వాదించారు. ఇరువురి వాదనలు విన్న కోర్టు రేపు తీర్పు చెప్పనుంది.
