Bangladesh MP murder : బంగ్లాదేశ్‌ ఎంపీ మహ్మద్‌ అనర్ హత్య కేసులో దారుణాలు వెలుగు చూస్తున్నాయి. ఎంపీని హనీ ట్రాప్‌లోకి లాగి ఓ అపార్ట్‌మెంట్లోకి తీసుకెళ్లి అక్కడ ఆయనను హత్య( murder) చేసి ఉంటారని పోలీసులు అనుమానిస్తున్నారు. తొలుత ఆయనను గొంతు నులిమి హత్య చేసినట్లు తెలుస్తోంది. ఆ తర్వాత మృత దేహాన్ని గుర్తు పట్టకుండా చేసేందుకు చర్మం ఒలిచి, శరీర భాగాలను ముక్కలు చేసి ఛిద్రం చేసినట్లు తెలుస్తోంది.
చదవండి : అమెరికా చారిత్రాత్మక విజయం.. బంగ్లాకు షాకిచ్చి టీ20 సిరీస్‌ వశం!
శరీర భాగాలు వాసన రాకుండా ఉండేందుకు వాటికి పసుపును పట్టించి ఉంచారు. వాటిని వేరు వేరు ప్రాంతాల్లో పడేయడానికి వీలుగా సంచుల్లో ఉంచారు. కొన్నింటిని ఫ్రిజ్‌లోనూ భద్ర పరిచారు. ఈ కేసు విషయంలో బంగ్లాదేశ్‌(Bangladesh) నుంచి అక్రమంగా కోల్‌కతాకు వచ్చిన అక్రమ వలసదారుడు(Illegal migrant) ఒకరిని పోలీసులు అరెస్టు చేశారు. అన్వర్‌ చివరి సారి కనిపించిన సీసీటీవీ ఫుటేజీలను పోలీసులు పరిశీలించారు.
చదవండి : కార్బైడ్‌తో మగ్గిన మామిడి పండ్లు తింటే ఎన్నో అనారోగ్యాలు!
ఎంపీకి పాత స్నేహితుడు, అమెరికాలో నివసించే ఓ వ్యక్తి టౌన్‌ హాల్‌ ప్రాంతంలో ఓ అపార్ట్‌మెంట్‌ని అద్దెకు తీసుకున్నారు. అందులోకి ఓ మహిళ, ఇద్దరు పురుషులతో సహా ఆయన మే 12 తారీఖున లోపలికి వెళ్లారు. ఆ తర్వాత ఆయన కనిపించలేదు. దీంతో ఎంపీని హనీ ట్రాప్‌ చేసి ఉంటారని పోలీసులు ప్రాథమిక విచారణలో నిర్ధారించుకున్నారు. మృతుడి స్నేహితుడికి ఆ మహిళ సన్నిహితురాలు కావడం గమనార్హం. ఫ్లాట్‌లోకి తీసుకెళ్లగానే ఆయనను హత్య చేసి ఉంటారని బెంగాల్‌ సీఐడీ(CID) అధికారి ఒకరు వెల్లడించారు. చంపిన తర్వాత శరీర భాగాలను వేర్వేరు ప్రదేశాల్లో పడేసి ఉంటారని అందుకనే ఇప్పటి వరకు మృతదేహం లభ్యం కాలేదని తెలిపారు.
