ప్రముఖ జానపద, టాలీవుడ్ సింగర్ మంగ్లీకి… వైసీపీ ప్రభుత్వం కీలక పదవి కేటాయించింది. జగన్మోహన్ రెడ్డి ఇటీవలే ఆధ్యాత్మిక క్షేత్రం తిరుమల తిరుపతి దేవస్థానంకు చెందిన శ్రీ వెంకటేశ్వర భక్తి ఛానల్ (ఎస్వీబీసీ) సలహాదారుగా మంగ్లీని రెండు సంవత్సరాల కాలానికి నియమిస్తున్నట్లు ప్రభుత్వం ఆదేశాలు జారీ చేసింది. ఈ పదవిలో ఉన్నంత వరకు ఆమెకు నెలకు లక్ష రూపాయలు జీతభత్యాలు అందిస్తారు.
సింగర్ మంగ్లీ కీలకమైన పదవి చేపట్టడంతో సినిమా అభిమానులు,ఇండస్ట్రీ పెద్దలు రాజకీయ ప్రముఖులు ఆమెకు శుభాకాంక్షలు తెలియజేస్తున్నారు. సింగర్ మంగ్లీ అసలు పేరు సత్యవతి. ఈమెది ఆంధ్రప్రదేశ్ రాష్ట్రం అనంతపురం జిల్లా, గుత్తి మండలానికి చెందిన బసినేపల్లి తండాలో జన్మించింది. ఈమెకు చిన్నప్పటి నుంచి సంగీతం మీద మక్కువ ఉండటంతో సంగీతం నేర్చుకొని పలు టీవీ కార్యక్రమాల్లో పాల్గొనడంతో పాటు బతుకమ్మ పాటలతో మంచి క్రేజ్ సంపాదించుకుంది.
