Mangli met with a car accident : తన దైన గాత్రంతో అందరి మనసులను గెలుచుకున్నారు సింగర్‌ మంగ్లి. రంగారెడ్డి జిల్లా నందిగామ మండలం కన్హ శాంతి వనంలో ప్రపంచ ఆధ్యాత్మిక దినోత్సవానికి మంగ్లీ హాజరయ్యారు. తర్వాత హైదరాబాద్‌కు తిరిగి వస్తున్న క్రమంలో ఆమె కారుకు యాక్సిడెంట్‌(car accident) జరిగింది. ఆమె ప్రయాణిస్తున్న కారు హైదరాబాద్, బెంగళూరు జాతీయ రహదారిపై తొండపల్లి వంతెన వద్ద ప్రమాదానికి గురైంది. వెనుక నుంచి డీసీఎం వారి వాహనాన్ని ఢీ కొట్టింది.
చదవండి : నావల్నీ మృతిపై తొలిసారి స్పందించిన పుతిన్
ప్రమాద విషయం తెలుసుకున్న శంషాబాద్‌ పోలీసులు ఘటనా స్థలానికి చేరుకుని అది జరిగిన తీరుపై ఆరా తీశారు. కేసు నమోదు చేసి దర్యాప్తు చేస్తున్నారు. వారు తెలిపిన వివరాల ప్రకారం.. మంగ్లీ(Mangli) ప్రయాణిస్తున్న కారును ఢీకొట్టిన సమయంలో డీసీఎం డ్రైవర్ మద్యం సేవించి ఉన్నాడు. దీంతో మంగ్లీ కారులో ఉన్న మేఘరాజ్‌, మనోహర్‌లకు స్వల్పంగా గాయాలయ్యాయి. డీసీఎం కారు వెనక భాగాన్ని ఢీ కొట్టడంతో ఆ భాగం బాగా దెబ్బతింది. మంగ్లి తృటిలో ప్రమాదాన్ని తప్పించుకోవడంతో అంతా ఊపిరి పీల్చుకున్నారు.
చదవండి : రేవంత్‌రెడ్డి ప్రయాణిస్తున్న విమానంలో సాంకేతిక లోపం
