Visakhapatnam:లో ఇన్ఫోసిస్ ప్రారంభం..రాజధానిపై జగన్ కీలక వ్యాఖ్యలు

ap cm jagan inaugurate Infosys company in Visakhapatnam

విశాఖపట్నంలోని రుషికొండలోని ఐటీ సెజ్‌లో ఇన్ఫోసిస్ డెవలప్‌మెంట్ కేంద్రాన్ని ఏపీ ముఖ్యమంత్రి వైఎస్‌ జగన్‌మోహన్‌రెడ్డి(ap cm jagan mohan reddy) సోమవారం ప్రారంభించారు. ఈ సందర్భంగా తాను త్వరలోనే విశాఖపట్నం షిఫ్ట్ అవుతున్నట్లు చెప్పారు. విశాఖ నుంచి పరిపాలన జరగనున్నట్లు తెలిపారు. పరిపాలన విభాగం మొత్తం ఇక్కడకు మారుతుందని జగన్ అన్నారు. డిసెంబర్ లోపు విశాఖకు మారతానని వెల్లడించారు. ఈ క్రమంలో విశాఖలో పెట్టుబడులు పెట్టేందుకు అనేక కంపెనీలు వస్తున్నట్లు సీఎం పేర్కొన్నారు. ఈ కార్యక్రమంలో మంత్రులు గుడివాడ అమర్‌నాథ్‌, విడదల రజిని, బొత్స సత్యనారాయణ, ఆదిమూలపు సురేష్‌, వైఎస్‌ఆర్‌సీపీ ప్రాంతీయ సమన్వయకర్త వైవీ సుబ్బారెడ్డి తదితరులతో పాటు పలువురు పాల్గొన్నారు.

విశాఖ లో ఇన్ఫోసిస్ భవనాన్ని ప్రారంభించిన సీఎం జగన్ గారు✨#Infosys #vizag #YSJaganDevelopsAP #Andhra pic.twitter.com/ILJ894lfeL

— YSJagan_2024 (@PriyaYSRCP) October 16, 2023

ఇన్ఫోసిస్ కార్యాలయ ప్రారంభోత్సవంతోపాటు విశాఖపట్నం, అనకాపల్లి జిల్లాల్లో చేపట్టిన కొన్ని అభివృద్ధి ప్రాజెక్టులు, ఫార్మా యూనిట్లను ప్రారంభించేందుకు జగన్ మోహన్ రెడ్డి విశాఖపట్నం చేరుకున్నారు. ఇక పరవాడలోని ఫార్మా సిటీలో ఏర్పాటు చేసిన యుజియా స్టెరిల్ ప్రైవేట్ లిమిటెడ్ ప్రారంభోత్సవం, లారస్ ల్యాబ్ యూనిట్ 2-ఫార్ములేషన్ బ్లాక్‌ను ప్రారంభించడం, ఎల్‌ఎస్‌పిఎస్ యూనిట్ 2ను ఆవిష్కరించడం వంటి కార్యక్రమాల్లో జగన్ మోహన్ రెడ్డి పాల్గొంటారు.

ఇది కూడా చూడండి: Kinjarapu Atchannaidu: చంద్రబాబుకి ఏం జరిగినా సీఎం జగనే బాధ్యత వహించాలి