W.G: నరసాపురం మున్సిపాలిటీ పరిధిలోని మార్కెట్ పన్ను వసూలు వేలంపాట మరోసారి వాయిదా పడింది. 2026-27 ఆర్థిక సంవత్సరానికి గాను పన్ను వసూలు హక్కుల కోసం మున్సిపల్ కార్యాలయంలో నిర్వహించిన బహిరంగ వేలానికి ఆశించిన స్పందన లభించలేదు. ఈ వేలం ప్రక్రియలో కేవలం ముగ్గురు పాటదారులు మాత్రమే పాల్గొన్నప్పటికీ, నిర్ణీత మొత్తం కంటే ఎక్కువ ధరకు పాడేందుకు ఎవరూ ముందుకు రాలేదని నిర్వహకులు తెలిపారు.
