Tirupati district: ప్రసాదం తిని 50 మందికి అస్వస్థత!

ఆంధ్రప్రేదేశ్లోని తిరుపతి జిల్లా(tirupati district)లో కలుషిత ప్రసాదం(Prasadam) కలకలం రేపుతోంది. కేబీపురం మండలం ఆరె గ్రామంలో రెండు రోజుల క్రితం ఆలయంలో పూజలు నిర్వహించారు. ఆ క్రమంలో వండిన ప్రసాదాన్ని నిర్వహకులు గ్రామస్థులకు అందించారు. అయితే ఆ ప్రసాదం తిన్న గ్రామస్థులు అస్వస్థతకు గురయ్యారు. వాంతులు, విరేచనాలతో ఇబ్బందులు పడ్డారు. ఆ క్రమంలో విషయం తెలుసుకున్న వైద్యాధికారులు ఆ గ్రామంలో వైద్య శిబిరం ఏర్పాటు చేసి బాధితులకు చికిత్స అందించారు. కొంత మంది ఇప్పటికే డిశ్ఛార్జ్ కాగా..మరో 30 మందికిపైగా ఆస్పత్రిలో చికిత్స పొందుతున్నారు. వారిలో ఆరుగురి పరిస్థితి విషమంగా ఉన్నట్లు తెలుస్తోంది.

ఈ నేపథ్యంలో అసలు ప్రసాదం ఎలా కలుషితం అయ్యింది? ఆ ఆహారంలో ఎవరైనా ఏదైనా కలిపారా? లేదా తయారు చేసే క్రమంలో అందులో ఏదైనా పడిందా ? పాడైపోయిన ప్రసాదాన్ని నిర్వహకులు పంపిణీ చేశారా అనే వివరాలు తెలియాల్సి ఉంది. ఆ విషయం తెలిసిన అధికారులు ఈ సంఘటన ఎలా జరిగిందనే వివరాలను సేకరిస్తున్నారు.

ఇది కూడా చూడండి: Horoscope today: నేటి రాశి ఫలాలు(September 19th 2023)..సమస్యలు ఎదుర్కొంటారు!