స్టార్ బ్యూటీ సమంత కొంత కాలం మయొసైటీస్‌ అనే వ్యాధితో బాధపడిన సంగతి తెలిసిందే. అయితే ఇప్పుడు అమ్మడు పూర్తిగా కోలుకుంది. దాంతో కమిట్ అయిన ప్రాజెక్ట్ లపై దృష్టి సారిస్తోంది. ప్రస్తుతం ముంబైలో చక్కర్లు కొడుతోంది సామ్. ది ఫ్యామిలీ మ్యాన్ 2 మేకర్స్ రాజ్ అండ్ డీకె రూపొందిస్తున్న లేటెస్ట్ వెబ్ సిరీస్ ‘సిటాడెల్’ ఇండియన్ వెర్షన్ కోసం రెడీ అవుతోంది. ఈ క్రమంలోనే ఈ మధ్య ఎక్కువగా వార్తల్లో నిలుస్తోంది. సోషల్‌ మీడియాలో నిత్యం ఎమోషనల్‌ నోట్‌లు, కోట్స్‌ పెడతూ హాట్‌టాపిక్‌గా మారుతుంది. అయితే తాజాగా.. తమిళనాడులోని దిండిక్కల్‌ జిల్లాలోని పళని సుబ్రహ్మణ్యస్వామి ఆలయంలో ప్రత్యేక పూజలు నిర్వహించింది. ఈ సందర్భంగా కొండ కింది నుంచి పై వరకు మెట్టు మెట్టుకు హారతి వెలిగించుకుంటూ వెళ్లింది. అనారోగ్యం నుంచి పూర్తిగా కోలుకోవాలని పూజలు జరిపించినట్లు తమిళ మీడియాలో కథనాలు వస్తున్నాయి. ప్రస్తుతం దీనికి సంబంధించిన వీడియో నెట్టింట వైరల్‌గా మారింది. ఇదిలా ఉంటే.. సామ్ గురించి మరో న్యూస్ కూడా వైరల్ అవుతోంది. నాగ చైతన్యతో విడాకులు తీసుకున్న తర్వాత.. ఐటెం సాంగ్ చేసి షాక్ ఇచ్చింది అమ్మడు. పుష్ప మూవీలో సమంత చేసిన ఊ అంటావా సాంగ్ సెన్సేషనల్‌ హిట్‌గా నిలిచింది. ఇందులో సమంత అందాల ఆరబోత హద్దులు దాటేసింది. ఒకే ఒక్క పాటతో పాన్ ఇండియా స్టార్ డమ్ దక్కించుకుంది. అందు
కే పుష్ప2లోను సమంతతో ఐటెం సాంగ్ చేయించాలని అనుకున్నాడట సుకుమార్. కానీ సామ్ మాత్రం ఈ ఆఫర్‌ని రిజెక్ట్ చేసినట్టు తెలుస్తోంది. మళ్లీ ఊ అంటావా సాంగ్ అంత క్రేజ్ రాదని.. సామ్ నో చెప్పినట్టు టాక్. అంతేకాదు.. ఇక పై ఐటెం సాంగ్స్‌కు దూరంగా ఉండాలని అనుకుంటోందట. దాంతో బాలీవుడ్ బ్యూటీని రంగంలోకి దింపాలని చూస్తున్నాడట సుకుమార్.
