దివంగత నేత ఎన్టీఆర్ శతజయంతి సందర్భంగా ప్రధాని మోదీ (PM MODI) ఘన నివాళులు అర్పించారు. మన్ కీ బాత్ (Mann Ki Bath) లో ఎన్టీఆర్ గురించి ప్రత్యేకంగా మాట్లాడారు. తన నటనా కౌశలంతో ఎన్నో చరిత్రాత్మక పాత్రలకు ఎన్టీఆర్ జీవం పోశారని మోదీ తెలిపారు. ‘‘బహుముఖ ప్రజ్ఞతో ఎన్టీఆర్ (NTR) సినీరంగంలో ఖ్యాతిగాంచారు. కోట్ల మంది హృదయాల్లో నిలిచిపోయారు. 300పైగా చిత్రాల్లో నటించి అలరించారు. రాముడు (Ramudu) ,కృష్ణుడు పాత్రల్లో ఎన్టీఆర్ నటనను జనం ఇప్పటికీ స్మరిస్తారు’’ అని మోదీ గుర్తు చేశారు.
చదవండి : హైదరాబాద్‌లో భారీ వర్షం.. ఒక్కసారిగా మారిన వాతావరణం
ఎన్టీఆర్ సినీరంగంతో పాటు రాజకీయాల్లోనూ తనకంటూ ఓ గుర్తింపు తెచ్చుకున్నారు. ఇక్కడ కూడా ఆయన ప్రజల నుండి చాలా ప్రేమ, ఆశీర్వాదం పొందారు. దేశంలోనూ, ప్రపంచవ్యాప్తంగానూ లక్షలాది హృదయాలను ఏలిన రామారావుకు నా వినమ్రపూర్వకమైన నివాళులర్పిస్తున్నాను’ అని మన్ కీ బాత్ కార్యక్రమంలో ప్రధాని వెల్లడించారు.మరోవైపు వీర్‌ సావర్కర్‌(Veer Savarkar) జయంతి సందర్భంగా ప్రధాని నివాళి అర్పించారు. సావర్కర్‌ను ఖైదు చేసిన అండమాన్‌(Andaman)లోని కాలాపానీ జైలును సందర్శించిన రోజును తాను మర్చిపోలేనని చెప్పారు. నిర్భయంగా, ఆత్మగౌరవంగా వ్యవహరించే సావర్కర్‌ శైలి బానిసత్వాన్ని ఎన్నటికీ అంగీకరించదని ఆయన తెలిపారు
చదవండి : New Parliament Building 140 కోట్ల ప్రజల ఆకాంక్ష: ప్రధాని మోడీ
