బాలీవుడ్ బాద్ షా షారుఖ్ ఖాన్ ‘పఠాన్’ సినిమా ద్వారా ప్రేక్షకుల ముందుకు వచ్చారు. ఈ సినిమా ప్రపంచ వ్యాప్తంగా విడుదలై సంచలన విజయాన్ని అందుకుంది. రిలీజ్ అయిన మూడు రోజుల్లోనే రూ.300 కోట్లు వసూలు చేసింది. షారుఖ్ ఖాన్ కు ఈ సినిమా సూపర్ హిట్ అవుతుందని సినీ పండితులు తెలుపుతున్నారు. నాలుగేళ్లుగా ఎదురుచూస్తున్న తన ఫ్యాన్స్ కు షారుఖ్ అద్బుతమైన సినిమా అందించారని చెబుతున్నారు.
ఈ నెల 25వ తేదిన విడుదలైన పఠాన్ సినిమా బాక్సాఫీస్ వద్ద భారీ కలెక్షన్లను రాబట్టుతోంది. విడుదలైన రెండో రోజే ఈ సినిమా రూ.150 కోట్ల క్లబ్ లో చేరింది. మూడో రోజు ప్రపంచ వ్యాప్తంగా 300 కోట్ల రూపాయిలను వసూలు చేసి రికార్డు క్రియేట్ చేసింది. ఈ మూడు రోజుల్లో దేశం మొత్తం మీద ‘పఠాన్’ సినిమా వసూలు చేసిన మొత్తం రూ.157 కోట్లు అని సమాచారం. మొత్తానికి షారుఖ్ ఖాన్ అద్భుతమైన విజయాన్ని అందుకున్నారు.
