టాలీవుడ్‌(Tollywood)లో హీరో తిరువీర్(Tiruveer) వరుస సినిమాలతో దూసుకుపోతున్నాడు. దర్శకుడిగా, నటుడిగా పనిచేస్తూ తిరువీర్(Tiruveer) మంచి గుర్తింపును తెచ్చుకున్నారు. హీరో రానా నటించిన ఘాజీ సినిమాలోనూ, జార్జిరెడ్డి, పలాస సినిమాలోనూ తిరువీర్ మంచి పాత్రలో కనిపించారు. అలాగే మల్లేశం సినిమాలో ఆయన నటనకు మంచి మార్కులు పడ్డాయి. తాజాగా మరో కొత్త కాన్సెప్ట్‌తో ప్రేక్షకుల ముందకు వస్తున్నాడు. రీసెంట్ గా తిరువీర్(Tiruveer) ‘మసూద'(Masooda) సినిమాలో నటించి విజయం సాధించారు. ఎటువంటి అంచనాలు లేకుండా ఆ సినిమా మంచి హిట్ ను అందుకుంది. ‘మసూద'(Masooda) సినిమాతో తిరువీర్ కు మంచి గుర్తింపు లభించింది.
పరేషాన్ మూవీ టీజర్:
తిరువీర్(Tiruveer) నుంచి వస్తున్న మరో తాజా సినిమా ‘పరేషాన్'(Pareshan). ఇప్పటికే ఈ మూవీ టీమ్ వరుస ప్రమోషన్స్ చేస్తూ సందడి చేస్తోంది. గతంలో ఈ సినిమా నుంచి సాంగ్స్ రిలీజ్ అయ్యాయి. ఆ సాంగ్స్ సినీ ప్రేక్షకులను ఎంతగానో ఆకట్టుకున్నాయి. తాజాగా ఈ సినిమా టీజర్(Movie Teaser)ను మేకర్స్ విడుదల చేశారు. తిరువీర్ ఈ మూవీతో మరోసారి ఆడియన్స్ ను అలరించనున్నట్లు తెలుస్తోంది. టీజర్ ఓపెనింగ్ లోనే మందుబాబుల కష్టాలను చూపిస్తూ డైలాగ్స్ ను అదరగొట్టారు. మందు తాగడం వల్లే గవర్నమెంట్ నడుస్తోందని, ఆడవాళ్లు మందును బ్యాన్ చేయమని చెప్పడమేంటి, మగవారి హక్కులను కాలరాస్తే ధర్నాలు చేస్తామని మందుబాబులు రచ్చ చేస్తున్న టీజర్(Teaser) అందర్నీ ఆకట్టుకుంటోంది.
చదవండి: Trailer Release: ‘పులి – మేక’ ట్రైలర్ రిలీజ్
‘పరేషాన్'(Pareshan) మూవీ మొత్తం తెలంగాణలోని ఓ ఊరి చుట్టూ సాగుతుంది. మొత్తంగా ఈ సినిమా ఫుల్ ఆన్ ఎంటర్టైనర్ గా ఉండనుంది. ఈ మూవీకి రూపక రోనాల్డ్ సన్ దర్శకత్వం వహిస్తున్నాడు. వాల్తేరు ప్రొడక్షన్స్ పతాకంపై సిద్ధార్థ్ రాళ్లపల్లి ఈ సినిమాను నిర్మిస్తున్నారు. ఈ మూవీకి యశ్వంత్ నాగ్ మ్యూజిక్ అందిస్తున్నారు. ఇకపోతే ఈ సినిమాలో పావని కరణం, బన్నీ అభిరాం, సాయి ప్రసన్న, అర్జున్ కృష్ణ, శృతి రియాన్, బుద్దరాఖాన్ రవి, రాజు బెడిగేలా వంటివారు ప్రధాన పాత్రల్లో కనిపించనున్నారు. త్వరలోనే ఈ సినిమాకు సంబంధించిన రిలీజ్ డేట్ చెబుతామని చిత్ర యూనిట్(Movie Unit) తెలిపింది.
