‘కేరింత’(Kerintha) ఫేమ్ పార్వ‌తీశం హీరోగా జష్విక హీరోయిన్‌గా నటిస్తోన్న సినిమా ‘తెలుసా మనసా’. ఈ సినిమాను శ్రీ బాలాజీ పిక్చ‌ర్స్ బ్యాన‌ర్‌పై వ‌ర్ష – మాధ‌వి రూపొందించారు. మూవీ(Movie)కి వైభ‌వ్ ద‌ర్శ‌కత్వం వహించాడు. ప‌ల్లెటూర్లో బెలూన్స్ అమ్ముకునే యువకుడి ప్రేమకథ(Love Story)ను అద్భుతంగా చూపించనున్నారు. ఈ మూవీలో మ‌ల్లి బాబు అనే పాత్ర‌లో పార్వ‌తీశం(Parvateesam) ఒదిగిపోయాడు. హెల్త్ అసిస్టెంట్ సుజాత పాత్ర‌లో జష్విక నటించింది.
హీరోహీరోయిన్లు ఇద్ద‌రికీ ఒక‌రంటే ఒక‌రికి చాలా ప్రేమ ఉన్నా బయటకు చెప్పుకోలేరు. అలాంటి వారు అనుకోని కారణంగా దూరం అయిపోతారు. చివరికి వాళ్లిద్దరూ కలుసుకుంటారా? లేదా అనేదే ఈ సినిమా(Movie) కథ. తాజాగా ఈ సినిమాకు సంబంధించిన పాటను చిత్ర యూనిట్ రిలీజ్ చేసింది. ‘మనసు మనసుతో..’ అనే మెలోడి సాంగ్(Melody Song) అందర్నీ ఆకట్టుకుంటోంది.
వాల్తేరు వీర‌య్య‌తో సెన్సేష‌న‌ల్ హిట్ కొట్టిన ద‌ర్శ‌కుడు బాబీ ఈ మూవీ సాంగ్ ను రిలీజ్ చేశారు. ఈ సినిమా(Movie) విజయం సాధించాలని ఆయన చిత్ర యూనిట్ ను దీవించారు. ఈ చిత్రానికి గోపీ సుందర్(Gopi Sundar) మ్యూజిక్ అందించారు. వాలెంటైన్స్ డే సందర్భంగా లవర్స్ ను హత్తుకునే పాటను రిలీజ్ చేసినట్లు చిత్ర యూనిట్ తెలిపింది. వనమాలి ఈ పాటను రాశారు.
