ప్రస్తుతం ఒక్క ఫోటో సోషల్ మీడియానే శాసించేలా ఉంది. మహేష్ బాబు, రాజమౌళి.. ఈ కాంబినేషన్ గురించి విన్నప్పుడల్లా.. టాలీవుడ్‌లో హాలీవుడ్ మూవీ అనే గూస్ బంప్స్ వస్తున్నాయి ఘట్టమనేని ఫ్యాన్స్‌కు. ట్రిపుల్ ఆర్ మూవీతో సంచలనం సృష్టించాడు దర్శక ధీరుడు రాజమౌళి. ఏకంగా ఆస్కార్ అందుకొని.. హిస్టరీ క్రియేట్ చేశాడు. అలాంటి జక్కన్న నుంచి రాబోయే ప్రాజెక్ట్ ఏ రేంజ్‌లో ఉంటుందోనని.. యావత్ సినీ ప్రపంచం ఎదురు చూస్తోంది. జస్ట్ గ్లోబ్ ట్రాటింగ్ యాక్షన్ అడ్వెంచర్ మూవీ అన్నందుకే.. మహేష్ ఫ్యాన్స్ గాల్లో తేలుతున్నారు. ఇక ఇప్పుడు ఏకంగా హాలీవుడ్ హీరోయిన్‌నే రంగంలోకి దింపుతున్నట్టు ప్రచారం జరుగుతోంది. మరోవైపు రాజమౌళి తండ్రి విజయేంద్ర ప్రసాద్.. మహేష్ సినిమాతో 10, 15 ఆస్కార్ నామినేషన్స్‌ కొట్టే రేంజ్‌లో ఉంటుందని చెబుతున్నారు. ఇలాంటి సమయంలో సెన్సేషన్ ఫోటో ఒకటి బయటకొచ్చింది. అదే రాజమౌళి, మహేష్ బాబు కలిసున్న ఫోటో. ఇద్దరు ఎదురెదురుగా నిలబడి.. నెక్స్ట్ హాలీవుడ్‌ని ఏలేద్దాం.. అని చర్చించుకున్నట్టే ఆ ఫోటో ఉంది. మహేశ్‌ ఏదో చెబుతుంటే రాజమౌళి ఆసక్తిగా వింటున్నాడు. అయితే అసలు ఈ ఇద్దరు ఏం మాట్లాడుకున్నారు? ఇది ఎప్పటి ఫొటో? ఎక్కడ కలుసుకున్నారు? అనేదే అంతుబట్టకుండా పోయింది. రీసెంట్‌గానే ఇద్దరు కలిశారని కొందరు అంటుంటే.. ఓల్డ్ ఫోటో అని ఇంకొందరు అంటున్నారు. కానీ ఈ ఫోటో మాత్రం.. మహేష్ ఫ్యాన్స్‌కు ఫుల్ కిక్ ఇస్తోంది. మా వాడితో నెక్స్ట్ మామూలుగా ఉండదని.. ఆ ఫోటోని తెగ వైరల్ చేస్తున్నారు. మరి ఈ క్రేజీ ప్రాజెక్ట్ ఎప్పుడు సెట్స్ పైకి వెళ్తుందో చూడాలి.
