మహేష్ బాబు, రాజమౌళి ప్రాజెక్ట్ నుంచి ఇంకా అఫీషియల్ అనౌన్స్మెంట్ రాలేదు. కానీ అప్పుడే ఓ టైటిల్ మాత్రం సోషల్ మీడియాను షేక్ చేస్తోంది. అసలు ఇది రాజమౌళి టీమ్ నుంచి లీక్ అయిందా? లేదా ఆర్ఆర్ఆర్ ఎఫెక్టా అనేది తెలియదు గానీ.. ఈ టైటిల్ మాత్రం వైరల్‌గా మారింది. ప్రస్తుతానికి మహేష్, రాజమౌళి సినిమాకు ఎస్ఎస్ఎంబీ 29 వర్కింగ్ టైటిల్‌ను వాడుతున్నారు అందరూ. మహేష్ బాబు 29వ సినిమా కాబట్టి ఎస్ఎస్ఎంబీ 29 అంటున్నారు.
ఇది కూడా చూడండి: Devara: బిగ్ సర్‌ప్రైజ్.. ‘దేవర’ కొత్త రిలీజ్ డేట్ ఫిక్స్!
ఒకవేళ రాజమౌళి పేరు కూడా యాడ్ అయితే.. ఎస్ఎస్ఆర్ఎంబీ వర్కింట్ టైటిల్ అయ్యేలా ఉంది. కానీ ఇప్పుడు ఈ ఇద్దరి పేర్లను కలుపుతూ ‘మహారాజ్’ అనే టైటిల్‌ను ప్రచారం చేస్తున్నారు. ఆర్ఆర్ఆర్ సినిమా అనౌన్స్ చేసినప్పుడు.. రామ్ చరణ్, రామారావు, రాజమౌళి పేర్లు కలిసేలా ఆర్ఆర్ఆర్ అంటూ ప్రకటించాడు రాజమౌళి. కానీ ఆర్ఆర్ఆర్ వర్కింగ్ టైటిల్‌కు సాలిడ్ రెస్పాన్స్ రావడంతో.. దాన్నే సినిమా టైటిల్‌గా పెట్టేశాడు జక్కన్న.
ఇది కూడా చూడండి: Vitamin B12: విటమిన్ బి12 లోపం ఉంటే ఏమౌతుంది..?
ఇక ఇప్పుడు మహేష్, రాజమౌళి పేర్లలోని మొదటి మూడు లక్షల కలయికలో MAH RAJ అనే టైటిల్ పరిశీలనలో ఉన్నట్లుగా ఫిల్మ్ నగర్లో ప్రచారం జరుగుతోంది. కానీ ఇందులో నిజముందని మాత్రం ఖచ్చితంగా చెప్పలేం. ఆర్ఆర్ఆర్ తరహాలోనే ఈ టైటిల్ తెరపైకి వచ్చి ఉంటుందని అంటున్నారు. ఇకపోతే.. త్వరలోనే జక్కన్న ఈ ప్రాజెక్ట్ వివరాలను తెలియజేయనున్నాడు. ఇప్పటికే స్క్రిప్టు లాక్ చేసేశారు.. ప్రజెంట్ మహేష్ బాబు ఫిజికల్‌గా రెడీ అవుతున్నాడు. మరోవైపు రాజమౌళి స్టార్ క్యాస్టింగ్ ఫైనల్ చేసే పనిలో ఉన్నాడు. ఏదేమైనా.. మహారాజ్ అనే టైటిల్ మాత్రం వైరల్‌గా మారింది.
