KCR : బీఆర్ఎస్ పార్టీ అధినేత, మాజీ ముఖ్యమంత్రి కేసీఆర్ ను రాష్ట్ర మాజీ గవర్నర్ నరసింహన్ దంపతులు పరామర్శించారు. ఆదివారం మధ్యాహ్నం నందినగర్‌లోని కేసీఆర్ నివాసానికి చేరుకున్న నరసింహన్ దంపతులకు బీఆర్ఎస్ వర్కింగ్ ప్రెసిడెంట్ కేటీఆర్ స్వాగతం పలికారు. అనంతరం నరసింహన్ దంపతులు కేసీఆర్ ఆరోగ్యపరిస్థితులపై అడిగి తెలుసుకున్నారు. అనంతరం బీఆర్ఎస్ నేత కుటుంబీకులతో మర్యాదపూర్వకంగా సమావేశమయ్యారు. కాగా, గత నెలలో బాత్‌రూమ్‌లో జారిపడి కేసీఆర్‌కు తుంటి ఎముక విరిగింది. ఆపరేషన్ చేసి నాలుగు వారాల పాటు విశ్రాంతి తీసుకోవాలని యశోద ఆసుపత్రి వైద్యులు సూచించిన సంగతి తెలిసిందే. అప్పటి నుంచి ఆయన నందినగర్‌లోని తన నివాసంలో విశ్రాంతి తీసుకుంటున్నారు. ఈ క్రమంలో ఆయనను పరామర్శించేందుకు పలువురు ప్రముఖులు వస్తున్నారు. ఏపీ సీఎం జగన్మోహన్ రెడ్డి కూడా గురువారం కేసీఆర్‌ను పరామర్శించారు.
చదవండి:UK : ఒకే కాన్పులో ముగ్గురు ఆడపిల్లలు.. మిలియన్ల కేసుల్లో ఇదోటి
కేసీఆర్‌ను పరామర్శించేందుకు మాజీ గవర్నర్ నరసింహన్ దంపతులు రావడంతో మాజీ మంత్రులు వేముల ప్రశాంత్ రెడ్డి, శ్రీనివాస్ గౌడ్, కొప్పుల ఈశ్వర్, ఎంపీ జోగినపల్లి సంతోష్ కుమార్, బీబీ పాటిల్ తదితరులు కూడా అక్కడికి వచ్చారు. తెలంగాణ రాష్ట్ర అభివృద్ధి, గవర్నర్ గా నరసింహన్ అందించిన సంపూర్ణ సహకారంపై చర్చ జరుగుతున్న సందర్భంలో తెలంగాణ తొలి ముఖ్యమంత్రి కేసీఆర్ మరోసారి కృతజ్ఞతలు తెలిపారు. మరోవైపు తమ నివాసానికి వచ్చిన అతిథులను నిండు మనసుతో కేసీఆర్ దంపతులు సన్మానించారు. వీరికి పట్టువస్త్రాలు అందజేసి సంప్రదాయ పద్ధతిలో అతిథులుగా సత్కరించారు.
చదవండి:Qualcomm: భారత్‌లో క్వాల్‌కామ్ భారీగా పెట్టుబడులు
