'Devil' Trailer Released.. Will Kalyan Ram Hit?
Devil: ‘బింబిసార’తో బ్లాక్ బస్టర్ అందుకున్న నందమూరి కళ్యాణ్ రామ్.. ఆ తర్వాత చేసిన అమిగోస్ అనే సినిమాలో ట్రిపుల్ రోల్ చేశాడు. ఈ సినిమా ఫ్లాప్ అయింది. దీంతో అప్ కమింగ్ ఫిల్మ్ ‘డెవిల్’ (Devil) పై భారీ ఆశలు పెట్టుకున్నాడు. కళ్యాణ్ రామ్ హీరోగా అభిషేక్‌ నామా స్వీయ దర్శకత్వంలో తెరకెక్కిన ‘డెవిల్’ (Devil) సినిమాలో సంయుక్త మీనన్‌ హీరోయిన్‌గా నటించింది. హర్షవర్ధన్ రామేశ్వర్ మ్యూజిక్ అందిస్తున్నాడు. ముందుగా ఈ సినిమాను నవంబరు 24న విడుదల చేయ‌నున్న‌ట్లు ప్రకటించారు. పోస్ట్ ప్రొడక్షన్ పనులు పూర్తికాకపోవడంతో పోస్ట్‌పోన్ చేశారు. ఫైనల్‌గా డిసెంబర్ 29న డెవిల్ రిలీజ్ చేస్తున్నట్టుగా రీసెంట్‌గానే అనౌన్స్ చేశారు. తాజాగా ఇప్పుడు ట్రైలర్ రిలీజ్ చేశారు.
చదవండి: Salaar.. ఈ సైలెన్స్ ఎందుకు?
పీరియాడికల్ బ్యాక్ డ్రాప్‌లో తెరెక్కుతున్న ఈ సినిమాలో.. బ్రిటిష్ ఏజెంట్ ‘డెవిల్’గా నటిస్తున్నాడు కళ్యాణ్ రామ్. కనెక్ట్ టు మై ఏజెంట్ డెవిల్ డైలాగ్‌తో మొదలైన ట్రైలర్ సినిమా పై అంచనాలను పెంచేసేలా ఉంది. ఓ మర్డర్ కేసును పరిశోధించడానికి స్పెషల్ ఆఫీసర్‌గా మద్రాస్ నుంచి రాసపాడు వచ్చిన డెవిల్.. ఈ మర్డ్ మిస్టరీని ఎలా చేధించాడు? అసలు ఏజెంట్‌కు, మర్డర్ ఇన్విస్టిగేషన్‌కు సంబంధం ఏంటి? ప్లాన్ బీ ఏంటి? ఆపరేషన్ టైగర్ హంట్ ఏంటి? ఇలా చాలా విషయాలను సస్పెన్స్‌లో పెడుతూ ట్రైలర్ కట్ చేశారు. ఇందులో కళ్యాణ్ రామ్ డెవిల్ లుక్ అదిరిపోయింది.
హీరోయిన్ సంయుక్త మీనన్‌కు అదిరిపోయే క్యారెక్టర్ పడినట్టుగా కనిపిస్తోంది. శవాలు సాక్ష్యాలు చెప్పడం ఎక్కడైనా చూశారా? విశ్వాసంగా ఉండడానికి, విధేయతతో బతికేయడానికి కుక్కను అనుకున్నావురా.. లయన్ అంటూ కళ్యాణ్ రామ్ సింహా గర్జన అదిరిపోయింది. మొత్తంగా ట్రైలర్ చూస్తే.. ఈసారి కళ్యాణ్ రామ్ హిట్ కొట్టేలానే కనిపిస్తున్నాడు. మరి డెవిల్ ఎలా ఉంటుందో చూడాలి.
