Prashanth Neel said The story of NTR 31 will be different
కేజీఎఫ్ సిరీస్‌తో సంచలనం సృష్టించిన ప్రశాంత్ నీల్(Prashanth Neel).. డిసెంబర్ 22న సలార్‌తో మరో సెన్సేషన్‌కు రెడీ అవుతున్నాడు. ఈ క్రమంలో ప్రశాంత్ నీల్ క్రేజీ అప్డేట్స్ ఇస్తున్నాడు. కేజీఎఫ్ 3 కచ్చితంగా వస్తుందని, కానీ తాను డైరెక్టర్‌గా ఉంటానా? లేదా? అనేది ఇప్పుడే చెప్పలేనని తెలిపాడు. కానీ యశ్ మాత్రం కచ్చితంగా అందులో నటిస్తారని చెప్పుకొచ్చాడు. ఇక కెజియఫ్ అప్డేట్ ఇలా ఉంటే.. నెక్స్ట్ ప్రాజెక్ట్ యంగ్ టైగర్ ఎన్టీఆర్‌తో చేయబోతున్నాడు ప్రశాంత్ నీల్. ఇప్పటికే అనౌన్స్మెంట్ కూడా ఇచ్చేశారు. ఎన్టీఆర్ 31 వర్కింగ్ టైటిల్‌తో నెక్స్ట్ ఇయర్ సమ్మర్‌లో ఈ ప్రాజెక్ట్ సెట్స్ పైకి వెళ్లనుంది.
తాజాగా సలార్ ప్రమోషన్స్‌లో భాగంగా ఎన్టీఆర్ 31(ntr 31) గురించి సాలిడ్ అప్డేట్ ఇచ్చాడు ప్రశాంత్ నీల్. ఇప్పటికే ఈ హై ఆక్టేన్ మూవీ ఇండియన్ సినిమాల్లో కొత్త బెంచ్‌మార్క్‌ క్రియేట్ చేస్తుందని మైత్రీ మూవీ మేకర్స్ ప్రకటించగా.. ఇప్పుడు ప్రశాంత్ నీల్ ఇచ్చిన అప్డేట్ టైగర్ ఫ్యాన్స్‌ పండగ చేసుకునేలా ఉంది. ఇలాంటి ఎమోషన్స్ ఉన్న కథని నేను ఇప్పటివరకు చెయ్యలేదు. చాలా మంది ఈ సినిమాని ఒక యాక్షన్ సినిమా అనుకోవచ్చు. కానీ ఇది నాకు పూర్తిగా కొత్తది.. కంప్లీట్‌గా డిఫరెంట్ ఫిల్మ్ అని, డిఫరెంట్ ఎమోషన్స్‌ను కలిగి ఉంటుందన్నారు.
ఈ మూవీ జానర్‌(movie zoner)ని ఇప్పుడే చెప్పలేనని, ఒకవేళ ముందే చెప్తే దీన్ని యాక్షన్ ఫిల్మ్‌గా ఊహించుకుంటారు. కానీ దీని లెక్క వేరేలా ఉంటుందని చెప్పాడు. దీంతో ఎన్టీఆర్ 31 ఎలాంటి జానర్‌లో రాబోతోందనేది ఆసక్తికరంగా మారింది. అసలే.. ఎన్టీఆర్, ప్రశాంత్ నీల్ ఫేవరేట్ హీరో. పైగా యంగ్ టైగర్‌తో సినిమా చేయడమే తన డ్రీమ్ ప్రాజెక్ట్. అలాంటి తన అభిమాన హీరోని ప్రశాంత్ నీల్ ఎలా చూపిస్తాడో ఊహించుకోవచ్చు. మరి ఎన్టీఆర్ 31 ఎప్పుడు సెట్స్ పైకి వెళ్తుందో చూడాలి మరి.
ఇది కూడా చూడండి: Animal Collections: రూ.500 కోట్ల క్లబ్‌లోకి చేరిన యానిమల్
