అర్జున్ రెడ్డి డైరెక్టర్ సందీప్ రెడ్డి తెరకెక్కించిన యానిమల్ సినిమా డిసెంబర్ 1న గ్రాండ్‌గా థియేటర్లోకి వచ్చేసింది. రణ్‌బీర్ కపూర్, రష్మిక జంటగా నటించిన ఈ సినిమా.. భారీ అంచనాలతో విడుదల అయింది. అడ్వాన్స్ బుకింగ్స్ కూడా అలాగే జరిగాయి.. జరుగుతున్నాయి కూడా. తెలుగులో ఈ సినిమాకు భారీ డిమాండ్ ఉంది. తెలుగులో గ్రాండ్‌గా నిర్వహించిన ‘యానిమల్’ ప్రీ రిలీజ్ ఈవెంట్‌కు రాజమౌళి, మహేష్ బాబు ముఖ్య అథితిగా రావడంతో అంచనాలు మరింతగా పెరిగిపోయాయి. అందుకు తగ్గట్టే యానిమల్ సినిమాకు పాజిటివ్ టాక్ వస్తోంది.
చదవండి: NagaChaitanya: ధూతకి భారీ రెమ్యూనరేషన్ అందుకున్న నాగచైతన్య..!
సందీప్ రెడ్డి మరో సాలిడ్ హిట్‌ని తన ఖాతాలో వేసుకున్నాడని అంటున్నారు. అలాగే.. బాక్సాఫీస్ వద్ద భారీ కలెక్షన్లను సాధిస్తుందని అంటున్నారు. ఇదిలా ఉంటే.. యానిమల్ సినిమా ఓటిటి పార్ట్నర్ లాక్ అయింది. ఈ సినిమా డిజిటల్ స్ట్రీమింగ్ పార్ట్నర్‌గా ప్రముఖ ఓటీటీ ప్లాట్‍ఫామ్ నెట్‍ఫ్లిక్స్ ఫిక్స్ అయింది. థియేట్రికల్ రన్ పూర్తయ్యాక ఈ మూవీ నెట్‌ఫ్లిక్స్‌లోకి రానుంది. కుదిరితే 2024 జనవరి మూడు లేదా నాలుగో వారంలో యానిమల్ సినిమా నెట్‍ఫ్లిక్స్‌లో స్ట్రీమింగ్‍కు రానున్నట్లు సమాచారం.
చదవండి: Salaar: ‘సలార్’ టికెట్స్ కావాలా? అయితే బంపర్ ఆఫర్!
ఇకపోతే యానిమల్ సినిమా (Animal Movie)కు సీక్వెల్ కూడా ఉండే అవకాశాలున్నాయి. సినిమాలో సీక్వెల్ టైటిల్ రివీల్ చేశారు. యానిమల్ ఎండ్ కార్డ్‌లో ‘యానిమల్ పార్క్’ అంటూ సీక్వెల్ టైటిల్‌ను అనౌన్స్ చేశారు. ఈ సీక్వెల్ గురించి పూర్తి వివరాలు తెలియనప్పటికీ, ఈ సినిమా కొనసాగింపుగా ‘యానిమల్ పార్క్’ ఉంటుందని అంటున్నారు. మరి ఈ సీక్వెల్‌ను సందీప్ ఎప్పుడు పట్టాలెక్కిస్తాడో చూడాలి.
