Khushbu Sundar: డైరక్టర్ సందీప్ వంగా, బాలీవుడ్ నటుడు రణ్‌‌బీర్ కపూర్ కాంబోలో వచ్చిన యానిమల్ సినిమా బ్లాక్ బస్టర్ అయిన సంగతి తెలిసిందే. బాక్సాఫీస్ వద్ద కోట్లు రాబట్టింది. కొంతమంది ఈ సినిమాపై పొగడ్తలు వర్షం కురిపించగా మరికొందరు విమర్శలు వర్షం కురిపించారు. అయితే సీనియర్ నటి, బీజేపీ నేత, జాతీయ మహిళా కమిషన్ సభ్యురాలు ఖుష్బూ సంచలన వ్యాఖ్యలు చేశారు. యానిమల్ సినిమా ఇంత సక్సెస్ కావడం నాకు చాలా ఆశ్చర్యంగా ఉందన్నారు.
ఇది కూడా చూడండి: Lions Name controversy: సింహాలకు అక్బర్‌, సీత పేర్లు పెట్టిన అధికారి సస్పెండ్
ఇలాంటి సినిమాలు సూపర్ హిట్ అవుతున్నాయంటే ప్రజలు అసలు ఏం ఆలోచిస్తున్నారు. ఏం కోరుకుంటున్నారో అర్థం కావడం లేదన్నారు. యానిమల్ లాంటి సినిమాలను మళ్లీ మళ్లీ చూడటానికి జనం ఇష్టపడుతున్నారు. ఇలాంటి సినిమాలు నచ్చుతున్నాయంటే.. అలాంటి చిత్రాలను చూసే వ్యక్తుల ఆలోచన విధానం గురించి మనం ఆలోచించాలన్నారు. ప్రస్తుతం ఇదే జరుగుతుంది. సినిమాల్లో చూపించేవే సమాజంలో జరుగుతున్నాయని ఖుష్బూ అన్నారు. అయితే ప్రస్తుతం ఈ వార్తలు వైరల్ అవుతున్నాయి.
ఇది కూడా చూడండి: Chennai: ‘మోదీ ఇడ్లీ’కి అపూర్వ స్పందన
