Mumbai Airport: ముంబై ఇంటర్నేషనల్ ఎయిర్పోర్ట్ టెర్మినల్ 2పై బాంబులు వేస్తామని బెదిరింపు ఇమెయిల్ వచ్చింది. అలా చేయకుండా ఉండాలంటే ప్రతి ఫలంగా బిట్‌కాయిన్‌ రూపంలో ఒక మిలియన్ యుఎస్ డాలర్లు డిమాండ్ చేశారు. ఈ మేరకు శుక్రవారం పోలీసులు సమాచారం అందించారు. ఛత్రపతి శివాజీ మహారాజ్ అంతర్జాతీయ విమానాశ్రయానికి గురువారం బెదిరింపు ఇమెయిల్ వచ్చింది. ఆ తర్వాత సహర్ పోలీస్ స్టేషన్‌లో ఎఫ్‌ఐఆర్ నమోదు చేసి దర్యాప్తు ప్రారంభించినట్లు అధికారి తెలిపారు.
చదవండి:Video Viral: 14 రోజులుగా టన్నెల్‌లోనే 41 మంది..బయటకు తీసుకొచ్చేందుకు మాక్‌డ్రిల్
ఈ విమానాశ్రయాన్ని ముంబై ఇంటర్నేషనల్ ఎయిర్పోర్ట్ లిమిటెడ్ (MIAL) నిర్వహిస్తోంది. గురువారం ఉదయం 11.06 గంటలకు విమానాశ్రయంలోని ఫీడ్‌బ్యాక్ ఇన్‌బాక్స్‌కు ఈమెయిల్ అందిందని అధికారి తెలిపారు. ఇది MIAL కంపెనీ ఫీడ్‌బ్యాక్ ఇమెయిల్‌పై వచ్చింది. ఎయిర్పోర్ట్ టెర్మినల్ 2లో పేలుడు జరగకుండా ఉండేందుకు మెసేజ్ పంపిన వ్యక్తి 48 గంటల్లో బిట్‌కాయిన్‌లో 1 మిలియన్ అమెరికన్ డాలర్లను డిమాండ్ చేశాడు.
చదవండి:Uttarkashi Tunnel: రెస్క్యూ ఆపరేషన్ విఫలమైతే.. ప్లాన్ బీ రెడీ.. టన్నెల్ నుంచి రానున్న కార్మికులు
ఇమెయిల్‌లో, ‘ఇది మీ విమానాశ్రయానికి చివరి హెచ్చరిక. బిట్‌కాయిన్‌లోని 1 మిలియన్ డాలర్లని పేర్కొన్న చిరునామాకు బదిలీ చేయకపోతే, మేము 48 గంటల్లో టెర్మినల్ 2పై బాంబు వేస్తాము. మరో 24 గంటల్లో మరో హెచ్చరిక సందేశం పంపబడుతుంది. ఇమెయిల్‌ను స్వీకరించిన తర్వాత ముంబై విమానాశ్రయంలోని MIAL కస్టమర్ సేవా విభాగం ఎగ్జిక్యూటివ్ సహర్ పోలీస్ స్టేషన్‌ను సంప్రదించి ఇమెయిల్ పంపిన గుర్తు తెలియని వ్యక్తిపై ఫిర్యాదు చేసాడు. భారతీయ శిక్షాస్మృతి (IPC)లోని సెక్షన్‌లు 385 , 505 (1) (బి) కింద గుర్తు తెలియని వ్యక్తిపై ఎఫ్‌ఐఆర్ నమోదు చేశారు.
