Bus fell from the overpass bridge 21 people died at venice italy
ఇటలీలోని వెనిస్(venice) నగర సమీపంలో ఓవర్‌పాస్ బ్రిడ్జి పైనుంచి ప్రయాణీకుల బస్సు ప్రమాదవశాత్తు కింద పడిపోయింది. ఈ ఘటనలో ఇద్దరు పిల్లలతో సహా కనీసం 21 మంది మరణించారు. మరో 18 మంది గాయపడ్డారని అక్కడి అధికారులు తెలిపారు. ఆ వాహనం వెనిస్ నుంచి మార్గెరాలోని క్యాంప్‌సైట్‌కు వెళుతుండగా మంగళవారం రాత్రి మెస్ట్రేలోని ఎలివేటెడ్ స్ట్రీట్ వద్ద ఈ ప్రమాదం జరిగింది.
వెంటనే సమాచారం తెలుసుకున్న పోలీసులు ఘటనా స్థలానికి చేరుకుని క్షతగాత్రులను ఆస్పత్రికి తరలించారు. ఈ ప్రమాద ఘటనపై ఇటలీలోని వెనెటో రీజియన్‌ ప్రెసిడెంట్‌ లూకా జైయా స్పందించారు. బస్సు ప్రమాదాన్ని తీవ్ర విషాదమైన పరిణామంగా అభివర్ణించారు. అయితే బాధితులు, గాయపడినవారు ఇటాలియన్లు మాత్రమే కాకుండా వివిధ దేశాలకు చెందినవారు ఉన్నారని ఆయన ధృవీకరించారు.
ఇది కూడా చూడండి: Viral News: 128 ఏళ్ల క్రితం మరణించిన వ్యక్తికి ఇప్పుడు అంత్యక్రియలు.. ఎందుకంటే.?
