Season II of Andhra Premier League concluded in Visakhapatnam on August 27
Season II: ఆంధ్రా క్రికెట్ అసోసియేషన్ (ACA) నిర్వహిస్తున్న ఆంధ్రా ప్రీమియర్ లీగ్ సీజన్ II ఆగస్టు 27న విశాఖపట్నంలో గ్రాండ్ నోట్‌గా జరగనున్న ఫైనల్ మ్యాచ్‌తో ముగిసింది
1983 ప్రపంచకప్‌‌నకు గుర్తుగా మ్యాచ్ లు నిర్వహిస్తున్నారు. ఇది రెండో సీజన్.. మొదటి సీజన్ గతేడాది నిర్వహించారు. మ్యాచ్‌కి మాజీ టెస్ట్ కెప్టెన్, మాజీ BCCI సీనియర్ సెలక్షన్ కమిటీ చైర్మన్ కృష్ణమాచారి శ్రీకాంత్ ముఖ్య అతిథిగా హాజరయ్యారు. భారత మాజీ క్రికెటర్ మదన్ లాల్ కూడా విచ్చేశరాు. APL ఫ్రాంచైజీలకు చెందిన క్రికెటర్లతో మాత్రమే కాకుండా ACA విశాఖపట్నం జిల్లా క్రికెట్ అసోసియేషన్ (VDCA) నుండి వర్ధమాన క్రికెటర్లతో మాట్లాడారు.
చదవండి: Neeraj Chopra: వరల్డ్ అథ్లెటిక్స్ ఛాంపియన్ షిప్‌లో గోల్డ్ మెడల్
కోస్టల్ రైడర్స్‌తో ఆదివారం జరిగిన ఫైనల్ మ్యాచ్లో రాయలసీమ కింగ్స్ వీజేడీ (వి జయదేవన్ సిస్టమ్) పద్దతిలో 5 వికెట్ల తేడాతో గెలుపొందింది. ఈ మ్యాచ్‌కు వర్షం అంతరాయం కలిగించడంతో వీజేడీ పద్దతిన ఫలితాన్ని తేల్చారు. ముందుగా బ్యాటింగ్ చేసిన కోస్టల్ రైడర్స్ నిర్ణీత 18 ఓవర్లలో 8 వికెట్లకు 155 పరుగులు చేసింది. మద్దిల వర్దన్ (32 బంతుల్లో 5 ఫోర్లు, సిక్స్‌తో 50) హాఫ్ సెంచరీతో రాణించగా.. ధరణి కుమార్ (23 బంతుల్లో 5 ఫోర్లతో 30) కీలక ఇన్నింగ్స్ ఆడాడు. రాయలసీమ కింగ్స్ బౌలర్లలో హరిశంకర్ రెడ్డి రెండు వికెట్లు తీయగా.. ఎస్‌కే కామ్రుద్దిన్ మూడు వికెట్లు పడగొట్టాడు.
జాగర్లపూడి రామ్, బోధల కుమార్, హనుమ విహారి తలో వికెట్ తీశారు. అనంతరం లక్ష్యచేధనకు దిగిన రాయల సీమ కింగ్స్ 16.3 ఓవర్లలో 5 వికెట్లకు 160 పరుగులు చేసి వీజేడీ పద్దతిలో గెలిచింది.
