ఏపీలో గ్రామ, వార్డు వాలంటీర్లపై చేసిన వ్యాఖ్యలకు గాను జనసేన పార్టీ అధ్యక్షుడు పవన్ కల్యాణ్(Pawan kalyan)పై చట్టపరమైన చర్యలు తీసుకోవాలని ఆంధ్రప్రదేశ్ ప్రభుత్వం(AP Government ) గురువారం ప్రభుత్వ ఉత్తర్వు జీవో(GO) జారీ చేసింది. పవన్ కళ్యాణ్ తన వారాహి విజయ యాత్రలో భాగంగా జూలై 9, 2023న ఏలూరులో వాలంటీర్ వ్యవస్థ యువతుల మిస్సింగ్ కు కారణమవుతుందని కామెంట్లు చేశారు. దీనిపై స్పందించిన ఏపీ ప్రభుత్వం పవన్ కల్యాణ్ ఏపీ ప్రభుత్వానికి వ్యతిరేకంగా పరువు నష్టం కలిగించే, అవమానకరమైన వ్యాఖ్యలు చేశారని, అతనిపై చర్యలు తీసుకోవాలని జీవోలో పేర్కొంది. వాలంటీర్ల సేవలు, ముఖ్యంగా COVID సమయంలో, సర్వత్రా ప్రశంసలు పొందారు. అలాంటి వారిపై అతను ప్రభుత్వం ప్రతిష్టను తగ్గించే విధంగా ఉద్దేశపూర్వకంగా లక్ష్యంగా చేసుకుని వ్యాఖ్యలు చేశారని అన్నారు. ప్రభుత్వం ఈ విషయాన్ని నిశితంగా పరిశీలించి క్రిమినల్ ప్రొసీజర్ కోడ్, 1973లోని సెక్షన్ 199 (4) (బి) కింద న్యాయస్థానంలో ఫిర్యాదు చేయాలని అధికారులను కోరారు.
కాగా వాలంటీర్లపై పవన్ గురువారం మరోసారి వ్యాఖ్యలు చేశారు. వాలంటీర్లు సేకరించిన మొత్తం డేటాను హైదరాబాద్‌(hyderabad)లోని నానక్‌రామ్‌గూడలోని కార్యాలయానికి షేర్ చేస్తున్నారని ఆరోపించారు. ఈ విషయమై కేంద్ర హోంమంత్రి అమిత్ షాతో మాట్లాడానని అన్నారు. తప్పు చేసిన వారిని శిక్షించాలి.. ఎనిమిదేళ్ల చిన్నారిపై అత్యాచారం జరిగితే ఎవరికి ఫిర్యాదు చేయాలని వాలంటీర్ల తీరును ప్రశ్నించారు.
ఇది కూడా చూడండి: Pawan Kalyan నీ బంధం నిజమైతే… డేటా చోరీని నిరూపించు : పేర్ని
