Dont take these foods along with milk
Milk: పాలు (Milk) ఆరోగ్యానికి చాలా మంచిది. పాలల్లో (Milk) ఉండే కాల్షియం శరీరానికి అవసరం. ముఖ్యంగా చిన్న పిల్లలు, వృద్ధులకు కాల్షియం అవసరం ఎక్కువగా ఉంటుంది. పాలలో ప్రోటీన్లు, కొవ్వులు, కార్బొహైడ్రేట్లు, అనేక విటమిన్లు, ఖనిజాలు ఉంటాయి. అందుకే ఈ అమృత సమానమైన పాలను సంపూర్ణ ఆహారం అంటారు. రోజూ పాలు తాగడం వల్ల శరీరం, చర్మం , జుట్టుకు మంచి పోషణ లభిస్తుంది.
పాలలో (Milk) కాల్షియం, ప్రొటీన్ , విటమిన్ డి వంటి పోషకాలు ఉంటాయి. దీనివల్ల శారీరక అభివృద్ధితోపాటు మానసిక వికాసం కూడా కలుగుతుంది. సాధారణంగా ప్రతి ఒక్కరూ పిల్లలకు ప్రతిరోజూ పాలు (Milk) ఇస్తుంటారు. పాలలో ఉండే క్యాల్షియం శరీరంలోని ఎముకలను కాపాడుతుంది. పాల (Milk) వల్ల దంతాలు ఆరోగ్యంగా ఉంటాయి. మసాలా ఎక్కువగా ఉండే ఆహారం తింటూ గుండెల్లో మంట సమస్యతో బాధపడుతుంటే పాలు (Milk) తాగాలి. ఇది గుండెల్లో మంట సమస్య నుండి ఉపశమనం కలిగిస్తుంది. పాలలోని (Milk) లాక్టోస్ కాలేయం చెడు కొలెస్ట్రాల్‌ను ఉత్పత్తి చేయకుండా నిరోధిస్తుంది. ఇన్ని మంచి అంశాలతో కూడిన పాలను పిల్లలకు సరైన పద్ధతిలో అందిస్తే ఆరోగ్యవంతమైన ఎదుగుదలకు దారితీస్తుంది. లేదంటే కొన్ని వ్యతిరేక ఆహారం వల్ల ఆరోగ్యం పాడవుతుంది. కొన్ని ఆహార పదార్థాలను పాలతో కలిపి తీసుకోవడం వల్ల శరీరానికి హాని కలుగుతుంది. పాలతో (Milk) కలిపి ఎలాంటి ఆహారాలు తీసుకోకూడదో ఓసారి చూద్దాం…
పుల్లటి పండుతో పాలు:
నారింజ, నిమ్మ వంటి సిట్రస్ పండ్లను పిల్లలకు పాలు ఇచ్చే సమయంలో ఇవ్వకూడదు. ఎందుకంటే పాలలో ఉండే ప్రొటీన్ యాసిడ్ కంటెంట్ ఎక్కువగా ఉండటం వల్ల గడ్డకడుతుంది. అలా గడ్డకట్టినప్పుడు జీర్ణం కావడం కష్టం అవుతుంది. పాలు, పులుపు కలయిక వల్ల గ్యాస్, ఉబ్బరం, కడుపునొప్పి మొదలైన జీర్ణ సమస్యలు వస్తాయి.
పాలతో సాల్టీ స్నాక్స్ :
పిల్లలకు పాలతో ఏదైనా తినాలి. చిప్స్, చాట్స్ వంటివి ఉంటేనే పిల్లలు పాలు తాగుతారు. ఉప్పు చిరుతిళ్ల వల్ల డీహైడ్రేషన్ వస్తుంది. దీని వల్ల శరీరంలో పాలు జీర్ణం కావు. దీనివల్ల జీర్ణకోశ సమస్యలు వస్తాయి.
పుచ్చకాయతో పాలు:
పాలలో ప్రొటీన్లు, కొవ్వులు అధికంగా ఉంటాయి. పుచ్చకాయ పండులో అధిక మొత్తంలో యాసిడ్ ఉంటుంది, ఇది పాలను పెరుగుగా మారుస్తుంది అంటే పాలు పెరుగుగా మారుతుంది. ఇది జీర్ణ , శారీరక సమస్యలను కలిగిస్తుంది.
పాలు , ద్రాక్ష:
మీరు పిల్లలకు ఒకేసారి పాలు , ద్రాక్షను ఇస్తున్నట్లయితే, ఈ రోజే దానిని ఆపండి. ఎందుకంటే ఇది జీర్ణకోశ సమస్యలు, కడుపు నొప్పి, విరేచనాలకు కారణం అవుతుంది.
