బీజేపీ దుబ్బాక ఎమ్మెల్యే(Dubbaka MLA) రఘునందన్‌రావు(Raghunandan Rao)ను పోలీసులు బుధవారం అదుపులోకి తీసుకున్నారు. రఘునందన్ రావు గజ్వేల్ వెళ్తుండగా హకీంపేట వద్ద ఈ ఘటన జరిగింది. గతంలో గజ్వేల్‌లోని శివాజీ విగ్రహం ముందు ఓ వ్యక్తి మూత్ర విసర్జన చేయడం ప్రజల ఆగ్రహానికి కారణమైంది. దీంతో స్పందించిన పోలీసులు గజ్వేల్‌లో ఎలాంటి అవాంఛనీయ సంఘటనలు జరగకుండా బందోబస్తును పటిష్టం చేశారు. గజ్వేల్‌లో ఎలాంటి అవాంఛనీయ సంఘటనలు జరగకుండా పోలీసులు(police) బందోబస్తు నిర్వహిస్తున్నారు. గజ్వేల్‌లో చోటుచేసుకున్న ఘటనల నేపథ్యంలో హకీంపేటలో బీజేపీ ఎమ్మెల్యే రఘునందన్‌రావును పోలీసులు అదుపులోకి తీసుకున్నారు. అనంతరం అల్వాల్ పోలీస్ స్టేషన్‌కు బదిలీ చేశారు. ఈ విషయం తెలుసుకున్న బీజేపీ ఎన్నికల నిర్వహణ కమిటీ చైర్మన్ ఈటల రాజేందర్ రఘునందన్ రావుతో ఫోన్ లో మాట్లాడారు. రఘునందన్‌రావు అరెస్టును ఈటల రాజేందర్ ఖండిస్తూ పోలీసులు అధికార పార్టీ పక్షపాతిగా వ్యవహరిస్తున్నారని విమర్శించారు.
