నేటి ఐపీఎల్(IPL) మ్యాచ్‌లో రాయల్ ఛాలెంజర్స్ బెంగళూరు(RCB) జట్టు ఘన విజయం సాధించింది. ఈ మ్యాచ్ లో ఢిల్లీ క్యాపిటల్స్(DC) పరాజయం పాలైంది. ఇప్పటి వరకూ ఢిల్లీ క్యాపిటల్స్ ఐదు మ్యాచ్ లు ఆడితే అన్నింట్లోనూ విజయం దక్కలేదు. బెంగళూరులోని చిన్నస్వామి స్టేడియంలో జరిగిన ఈ మ్యాచ్ లో ఢిల్లీ క్యాపిటల్స్ పై 23 పరుగుల తేడాతో ఆర్సీబీ ఘన విజయం (RCB Victory) సాధించింది.
చదవండి: SRH : హ్యారీ బ్రూక్‌కు రసగుల్లాలతో ట్రీట్.. ఇదిగో వీడియో!
మొదట బ్యాటింగ్ చేపట్టిన రాయల్ ఛాలెంజర్స్ బెంగళూరు(RCB) జట్టు నిర్ణీత 20 ఓవర్లలో 174 పరుగులు చేసింది. ఆ తర్వాత బ్యాటింగ్ కు దిగిన ఢిల్లీ క్యాపిటల్స్(DC) జట్టు 9 వికెట్లకు 151 పరుగులు మాత్రమే చేయగలిగింది. ఈ మ్యాచ్ లో అపజయం పాలవ్వడంతో ఢిల్లీ జట్టు పాయింట్ల పట్టికలో చివరికి చేరింది. ఈ ఐపీఎల్(IPL) సీజన్ లో ఇప్పటి వరకూ నాలుగు మ్యాచులు ఆడిన ఆర్సీబీ రెండు విజయాలు, రెండు అపజయాలను సాధించింది.
చదవండి: Kushboo: మా అత్త ఆయుష్షు పెంచాడు… ధోనీపై ఖుష్బూ ప్రశంసలు..!
ఢిల్లీ క్యాపిటల్స్(DC)కు మొదటి నుంచి షాక్ లు తగులుతూనే ఉన్నాయి. ఓపెనర్ పృథ్వీషా, మిచెల్ మార్షల్ లు డక్ ఔట్ అయ్యారు. యశ్ దూల్ 1, అభిషేక్ పోరెల్ 5 పరుగులకే ఔట్ అయ్యారు. కెప్టెన్ డేవిడ్ వార్నర్ మాత్రం 19 పరుగులు చేయగలిగాడు. మనీశ్ పాండే 50 రన్స్ చేశాడు. జట్టు తీవ్ర ఒత్తిడికి గురైందని చెప్పాలి. మరో వైపు ఆర్సీబీ బౌలర్లలో విజయ్ కుమార్ 3 వికెట్లు, మహ్మద్ సిరాజ్ రెండు వికెట్లు, పార్నెల్, హసరంగా, హర్షల్ పటేల్ చెరో వికెట్లు తీశారు. ఆర్సీబీ(RCB) ఘన విజయం సాధించడంతో ఫ్యాన్స్ ఆనందం వ్యక్తం చేస్తూ సందడి చేశారు.
