మాస్ మూవీ మేకర్స్ బ్యానర్ పై ఎస్కేఎన్ నిర్మాణంలో ఆనంద్ దేవరకొండ, వైష్ణవి చైతన్య, విరాజ్ అశ్విన్ ప్రధాన పాత్రల్లో నటించిన సినిమా ‘బేబీ(Baby)’. ఈ చిత్రం నుంచి ఇప్పటికే విడుదల చేసిన ఫస్ట్ లిరికల్ సాంగ్ కు అద్భుతమైన స్పందన వచ్చింది. లేటెస్ట్ గా ఈ మూవీ నుంచి సెకండ్ లిరికల్ సాంగ్ దేవరాజా(Deva raaja)ను మూవీ టీమ్ విడుదల చేసింది. మొదటి పాటకు పూర్తి భిన్నంగా ఉంటూనే మరో బ్యూటిఫుల్ సాంగ్ అనిపించుకుంది. విడుదలైన వెంటనే ఆడియన్స్ నుంచి అద్భుతమైన స్పందన తెచ్చుకుంది. ఈ పాటను మళయాలంలో మోస్ట్ ఫేమస్ సింగర్ గా పేరు తెచ్చుకున్న ఆర్య దయాళ్ చేత పాడించారు. విజయ్ బుల్గానిన్ స్వరపరిచిన ఈ గీతాన్ని అభినందించడానికి టాలీవుడ్ లోని ప్రముఖ సంగీత దర్శకులు, సింగెర్స్ స్వయంగా రావడం విశేషం. ఎఫ్ హౌస్ లో జరిగిన ఈ కార్యక్రమంలో నాటి, నేటి సంగీత దర్శకులు ప్రత్యేక ఆకర్షణగా నిలిచారు.
ఈ లైవ్ కార్యక్రమానికి సీనియర్ సంగీత దర్శకులు(music directors) రాజ్, కోటి, ఆర్.పి పట్నాయక్, ఏం ఏం శ్రీలేఖ, భీమ్స్, మార్క్ కే రాబిన్, ప్రశాంత్ ఆర్ విహారి, చైతన్ భరద్వాజ్, కమ్రాన్ తో పాటు పలువురు సంగీత దర్శకులు హాజరయ్యారు. ఈ సందర్భంగా సింగర్ ఆర్య దయాల్ తెలుగు అమ్మాయి కాకపోయినా చాలా బాగా పాడిందని ప్రముఖ సంగీత దర్శకులు అన్నారు. తనకు తెలుగులో మంచి భవిష్యత్ ఉంటుందని అభిప్రాయం వ్యక్తం చేశారు. మరోవైపు విజయ్ మ్యూజిక్ కూడా బాగుందని ప్రశంసించారు.
చదవండి: Yentamma: యూట్యూబ్ ట్రెండింగ్ లో యెంటమ్మా సాంగ్..కొరియోగ్రఫీ వీడియో కూడా
హృదయ కాలేయం, కలర్ ఫోటో, కొబ్బరిమట్ట చిత్రాలతో తిరుగులేని గుర్తింపు తెచ్చుకున్న సాయి రాజేశ్(sai rajesh) ఈ చిత్రాన్ని డైరెక్ట్ చేశాడు. మాస్ మూవీ మేకర్స్ బ్యానర్ పై ఎస్కేఎన్ నిర్మించిన చిత్రం ఇది. త్వరలోనే విడుదల కాబోతోన్న ఈ చిత్రంలో ఆనంద్ దేవరకొండ, వైష్ణవి చైతన్య, విరాజ్ అశ్విన్, నాగబాబు, లిరీష తదితరులు నటించారు.
టెక్నీకల్ గా హై స్టాండర్డ్స్ లో ఉండబోతోన్న ఈ చిత్రానికి సంగీతం: విజయ్ బుల్గానిన్, ఎడిటింగ్: విప్లవ్ నైషధం, సినిమాటోగ్రఫీ: ఎమ్ఎన్ బాల్ రెడ్డి, పి.ఆర్.వో: ఏలూరు శీను, జిఎస్.కే మీడియా, కో ప్రొడ్యూసర్: ధీరజ్ మొగిలినేని, నిర్మాత: ఎస్.కే.ఎన్, రచన, దర్శకత్వం: సాయి రాజేశ్.
చదవండి: Yentamma: యూట్యూబ్ ట్రెండింగ్ లో యెంటమ్మా సాంగ్..కొరియోగ్రఫీ వీడియో కూడా
