తెలంగాణ కొత్త స‌చివాల‌యం ప్రారంభానికి ముహూర్తం ఖ‌రార‌యింది. ఏప్రిల్ 30న తెలంగాణ కొత్త స‌చివాల‌యం ప్రారంభించాల‌ని సీఎం కేసీఆర్ నిర్ణ‌యించారు. అధికారుల‌తో పాటు కొత్త స‌చివాల‌యాన్ని ప‌రిశీలించిన సీఎం కేసీఆర్ ప్ర‌స్తుతం జ‌రుగుతున్న ప‌నులు గురించి ఆరా తీశారు. స‌చివాల‌యాన్ని ఎప్పుడు ప్రారంభించాల‌నే విష‌యంలో కూడా అధికారుల‌తో చ‌ర్చించారు. ఏప్రిల్ 30న ప్రారంభిస్తే బాగుంద‌ని నిర్ణ‌యించారు. పిబ్రవరి 17న తొలుత ప్రారంభోత్సవానికి ముహూర్తం ఖ‌రారు చేశారు. కొన్ని అనివార్య కార‌ణాల వ‌ల్ల స‌చివాల‌యం ప్రారంభం వాయిదా ప‌డింది.
కాగా… భార‌త రాజ్యాంగ నిర్మాత డాక్ట‌ర్ బీఆర్ అంబేద్కర్ 125 అడుగుల విగ్రహాన్ని కూడా ఆవిష్క‌రించ‌నున్నారు. దేశంలోనే అతిపెద్దదైన 125 అడుగుల అంబేద్కర్ విగ్రహాన్ని ఏప్రిల్ 14న ఆవిష్కరించాలని తెలంగాణ కేబినెట్‌ నిర్ణయం తీసుకుంది. ఐ మ్యాక్స్‌ థియేటర్‌ పక్కన ఏర్పాటు చేస్తున్న అంబేద్కర్ విగ్రహ నిర్మాణం ఇప్పటికే పూర్తయింది.
