ఒక్క బాక్సాఫీస్ దగ్గరే కాదు.. అన్‌స్టాపబుల్‌తో అదిరిపోయే ట్రీట్ ఇచ్చాడు నందమూరి నటసింహాం బాలకృష్ణ. ఆహా అన్‌స్టాపబుల్ రెండు సీజన్స్‌లతో ఫుల్లుగా ఎంటర్టైన్ చేశారు. ముఖ్యంగా సెకండ్ సీజన్లో ప్రభాస్, పవన్ కళ్యాణ్‌తో రచ్చ చేశారు బాలయ్య. ఈ ఎపిసోడ్స్ అన్‌స్టాపబుల్‌కే హైలెట్‌గా నిలిచాయి. ఇక థియేటర్లో బాలయ్య హవా మామూలుగా లేదు. అఖండ వంటి బ్లాక్ బస్టర్ తర్వాత.. ఈ ఏడాది ఆరంభంలో మరో అదిరిపోయే హిట్ అందుకున్నారు బాలయ్య. వీరసింహారెడ్డిగా థియేటర్లో ఊచకోత కోశాడు. మరోసారి తమన్ బాక్సాఫీస్ బాక్సులు బద్దలు చేశాడు. మొత్తంగా బాలయ్య కెరీర్లోనే వీరసింహారెడ్డి హెయ్యెస్ట్ గ్రాసర్‌గా నిలిచింది. దాంతో నెక్స్ట్ ప్రాజెక్ట్ పై భారీ అంచనాలున్నాయి. బాలయ్య 108వ సినిమాను యంగ్ డైరెక్టర్ అనిల్ రావిపూడి తెరకెక్కిస్తున్నాడు. ప్రస్తుతం ఈ సినిమా షూటింగ్ స్టేజ్‌లో ఉంది. యంగ్ బ్యూటీ శ్రీలీల బాలయ్య కూతురిగా నటిస్తోంది. దాంతో ఈ ప్రాజెక్ట్ ఇంట్రెస్టింగ్‌గా మారింది. బాలయ్యను సరికొత్తగా చూపించబోతున్నాడు అనిల్ రావిపూడి. మామూలుగానే అనిల్ రావిపూడి కామెడీ అదుర్స్ అనేలా ఉంటుంది. ఇక బాలయ్యతో ఇంకెలా ఉంటుందో ఊహించుకోవచ్చు. అయితే తాజాగా.. ఈ సినిమా రిలీజ్ డేట్ దాదాపుగా ఫిక్స్ అయిందని తెలుస్తోంది. వచ్చే దసరా కానుకగా ఎన్బీకె 108 రిలీజ్ చేసే ఆలోచనలో ఉన్నారట. అంటే అక్టోబర్ 20కి అటు, ఇటుగా రిలీజ్ అయ్యే ఛాన్స్ ఉందన్న మాట. త్వరలోనే దీనిపై అధికారిక ప్రకటన రానుందని అంటున్నారు. మరి ఎన్బీకె 108 ఎలా ఉంటుందో చూడాలి.
