తెలంగాణలో ప్రవేశ పరీక్షల తేదీలను ఉన్నత విద్యామండలి ప్రకటించింది. మే 7వ తేదీ నుంచి 11 వరకు ఎంసెట్(ts eamcet 2023) ఇంజినీరింగ్, మే 12వ తేదీ నుంచి 14 వరకు ఎంసెట్ అగ్రికల్చర్,
ఫార్మా పరీక్షలు నిర్వహించనున్నట్లు వెల్లడించింది. మరోవైపు ఇసెట్, లాసెట్, పీజీఎల్ సెట్, ఐసెట్, ఎడ్ సెట్, పీజీఈసెట్ వంటి ఎంట్రన్స్ ఎగ్జామ్స్ తేదీలను కూడా ప్రకటించింది. మంత్రి సబితా ఇంద్రారెడ్డి, విద్యాశాఖ కార్యదర్శి వాకాటి కరుణ, రాష్ట్ర ఉన్నత విద్యామండలి ఛైర్మన్ లింబాద్రిలతో భేటీ నిర్వహించి ఈ మేరకు తేదీలను విడుదల చేశారు.
ఎగ్జామ్స్ ఇబ్బందులు లేకుండా నిర్వహించేందుకు అందుకు తగిన ఏర్పాట్లు చేయాలని మంత్రి అధికారులను ఆదేశించారు. దరఖాస్తు చేసుకునేందుకు రిజిస్ట్రేషన్ ఫీజు తదితర వివరాలతో కూడా నోటిఫికేషన్ ను సెట్ కన్వీనర్లు ప్రకటిస్తారని మంత్రి స్పష్టం చేశారు. ఇక పరీక్షల షెడ్యూల్ తేదీల వివరాలను క్రింద చూడవచ్చు.
చదవండి: శిథిలాల కింద చిన్నారులు.. వాళ్లు చెప్పిన మాటలకు కన్నీళ్లు ఆగవు.. వీడియో
