New medical colleges : వైద్య విద్యాభ్యాసానికి కళాశాలల కొరత, ఫీజుల్లాంటివి పెద్ద ప్రతిబంధకంగా ఉన్నాయి. ఈ కళాశాలల లోటును పూరించేందుకు ప్రభుత్వం అడుగులు వేసింది. దీంతో ఈ విద్యా సంవత్సరం నుంచే కొత్తగా 113 వైద్య కళాశాలలు అందుబాటులోకి రానున్నాయి. 2024-25 విద్యా సంవత్సరం నుంచి ఈ కళాశాలల్లో ఎంబీబీఎస్‌ (MBBS) కోర్సులు ప్రారంభం కానున్నాయి. ఈ మేరకు అనుమతులు జారీ చేసినట్లు నేషనల్ మెడికల్‌ కౌన్సిల్‌ కింద ఉండే.. మెడికల్‌ అసెస్‌మెంట్‌ అండ్‌ రేటింగ్‌ బోర్డ్‌(ఎంఏఆర్‌బీMARB) అధికారిక ప్రకటనను విడుదల చేసింది.
చదవండి : హైదరాబాద్‌లో చేతివాటం చూపుతున్న అంతర్రాష్ట్ర ముఠా దొంగలు
అండర్‌ గ్రాడ్యుయేట్‌ మెడికల్‌ కాలేజీలు(medical colleges) పెట్టడానికి 2024 -25 విద్యా సంవత్సరానికి గాను తమకు 170 అప్లికేషన్లు అందినట్లు ఎంఏఆర్‌బీ తెలిపింది. అందులో మొత్తం 113 కాలేజీలకు కొత్తగా అనుమతులు ఇచ్చినట్లు వెల్లడించింది. సంబంధిత వివరాలను ఈమెయిల్స్‌ ద్వారా ఆ కాలేజీలకు తెలియజేసినట్లు చెప్పింది. ఈ కొత్త కాలేజీల రాష్ట్రాల వారీగా ఎన్నెన్ని వచ్చాయనే వివరాలను ప్రకటించింది.
చదవండి : మోదీ పర్యటనలో భారతీయ దుస్తుల్లో భాంగ్రా డ్యాన్స్‌ చేసిన రష్యన్‌ చిన్నారి
అత్యధికంగా ఉత్తర ప్రదేశ్లో 22 కళాశాలలకు కొత్తగా అనుమతులు వచ్చినట్లు ఎంఏఆర్‌బీ తెలిపింది. మహారాష్ట్రకు 14, రాజస్థాన్‌కు 12, తెలంగాణకు 11, పశ్చిమబెంగాల్‌కు 8, ఆంధ్రప్రదేశ్‌కు 7, మధ్యప్రదేశ్‌కు 7, తమిళనాడుకు 5, కర్ణాటకకు 5, కేరళకు 2 కళాశాలలు చొప్పున వచ్చినట్లు చెప్పింది. అలాగే ఒరిస్సా, గుజరాత్‌లకు రెండేసి చొప్పున, ఉత్తరాఖండ్‌కి 3 వచ్చినట్లు తెలిపింది. త్రిపుర, సిక్కి, పంజాబ్‌, అస్సాం, హరియాణాలకు తలో మెడికల్‌ కాలేజీకి అనుమతి ఇచ్చినట్లు ప్రకటించింది.
