ప్రజలు వారు పెంచుకునే పెంపుడు జంతువులతో గడిపిన సందర్భాలు, ఫన్నీ సంఘటనల వీడియోలు గతంలో సోషల్ మీడియాలో వైరల్ అయిన సందర్భాలు చుశాం. అంతేకాదు చిన్న కుక్క పిల్లలను చూస్తే ఎవ్వరైనా కూడా వాటిని ఇబ్బంది పెట్టాలంటే ఒకటికి రెండు సార్లు ఆలోచిస్తారు. కానీ ఈ సంఘటనలో మాత్రం పూర్తిగా విరుద్ధంగా జరిగిందనే చెప్పవచ్చు.
ఒక అమాయకమైన చిన్న కుక్కపిల్లని ఓ యువతి, యువకుడు పట్టుకుని చిత్రహింసలకు గురి చేశారు. శునకం కాళ్లు పట్టుకుని పైకి ఎగరేశారు. సమీపంలో ఉన్న కోతిపైకి శునకాన్ని ఎగురవేస్తూ క్రూరంగా ప్రవర్తించారు. ఆ క్రమంలో కుక్కపిల్ల ఒక్కకాలును పట్టుకుని తిప్పుతూ చిత్ర విచిత్రంగా ప్రవర్తించారు. ఈ వీడియో చూసిన ఐఏఎస్ అధికారి అవనీష్ శరణ్ ఈ జంతువులు ఎవరో చెప్పండి అంటూ ట్విట్ చేస్తూ ఈ వీడియోను షేర్ చేశారు. అయితే ఈ సంఘటన ఎక్కడ జరిగిందో తెలియాల్సి ఉంది.
https://twitter.com/AwanishSharan/status/1621768274303393794?s=20&t=jMoMrt5Ga-Tkmd0BZGBVvA
ఇది చూసిన నెటిజన్లు వీడియోలో వారు చేసిన పనికి ఆవేదన వ్యక్తం చేస్తూ కామెంట్లు చేస్తున్నారు. మరికొంత మంది అయితే వారిని కఠినంగా శిక్షించాలని కోరుతున్నారు. ఇంకొంత మంది అయితే ఏమిటీ నరకం. ఆ అమ్మాయి, అబ్బాయి, కెమెరా పట్టుకున్న వ్యక్తి సహా ముగ్గురినీ అరెస్టు చేయాలని కామెంట్లు చేశారు. హృదయాన్ని కదిలించే ఈ వీడియో ప్రస్తుతం సోషల్ మీడియాలో వైరల్ అవుతోంది.
చదవండి: ఎవరెస్ట్(everest) శిఖరం 360 డిగ్రీ వ్యూ..మరో అద్భుతం!
