Bihar : బీహార్ రాష్ట్రంలో తీవ్ర విషాదం నెలకొంది. బెగుసరాయ్‌లో ఓ కార్యక్రమానికి హాజరయ్యేందుకు వచ్చిన ఆరుగురు వ్యక్తులు గంగా నదిలో గల్లంతయ్యారు. ఈ ప్రమాదంలో ఐదుగురు మృతి చెందగా, ఒకరు సురక్షితంగా బయటపడ్డారు. బయటపడిన వ్యక్తిని చికిత్స నిమిత్తం ఆస్పత్రికి తరలించారు. ఐదుగురి మృతితో గ్రామంలో విషాద ఛాయలు అలముకున్నాయి. వారి వారి ఇళ్లలో రోదనలు మిన్నంటాయి. మునిగిపోయిన వ్యక్తులు ముండన్ వేడుకలో పాల్గొనేందుకు వచ్చారు. మునిగిపోయిన వారిలో ఇద్దరు సోదరులు ఉన్నారు.
బెగుసరాయ్‌లోని చకియా పోలీస్ స్టేషన్ పరిధిలోని సిమారియా గంగా ఘాట్ వద్ద ఈ బాధాకరమైన ప్రమాదం జరిగింది. ముందన్ వేడుకలో పాల్గొనేందుకు బరౌని గ్రామానికి చెందిన యువకులు సిమారియా గంగాఘాట్‌కు చేరుకున్నారు. మరణించిన వారిలో బరౌని నివాసితులు రోహిత్ కుమార్ (21), బాబు సాహెబ్ (17), అజయ్ కుమార్ (18), ఓం మిశ్రా (17), చందన్ రామ్ 20 ఏళ్ల కుమారుడు దుత్యా కుమార్ ఉన్నారు. వీరంతా అదే గ్రామానికి చెందిన రాజు కుమార్ కుమారుడి ముందన్ సంస్కారంలో పాల్గొనేందుకు గంగాఘాట్‌కు చేరుకున్నారు.
చదవండి:Mouth Smell: నోటి దుర్వాసనతో బాధపడుతున్నారా..? ఇదిగో పరిష్కారం..!
మునిగిపోయిన యువకులందరూ స్నానం చేస్తూ గంగా నదిలో లోతైన నీటిలోకి వెళ్లారు. దీంతో వారందరూ మునిగిపోయారు. అక్కడ ఉన్న నావికులు దీనిని చూసినప్పుడు, వారు రక్షించడానికి ప్రయత్నించా.. ఒక వ్యక్తిని ప్రాణాలతో బయటపడేశారు. నావికులు మిగిలిన ఐదుగురిని రక్షించలేకపోయారు. ఆ తర్వాత సెర్చింగ్ సమయంలో ఐదు మృతదేహాలను స్వాధీనం చేసుకున్నారు.
ఈ ఘటనలో నీటిలో మునిగి మొత్తం ఐదుగురు మృతి చెందినట్లు చాకియా పోలీస్ స్టేషన్ పోలీస్ అధికారి పవన్ కుమార్ తెలిపారు. ఈ సంఘటన గురించి గ్రామస్థుడు సుబోధ్ కుమార్ మాట్లాడుతూ, ముందన్ వేడుకలో పాల్గొనడానికి అందరూ సిమారియా ఘాట్‌కు వెళ్లారని చెప్పారు. యువకులు పాత రాయి దగ్గర స్నానం చేయడం ప్రారంభించారు. ఈ సమయంలో యువకుడు నీటిలో మునిగిపోయాడు .. ఒక యువకుడిని స్థానిక మత్స్యకారులు రక్షించారు. మరికొంత మంది బాలురు గంగలో మునిగిపోయారని రక్షించిన వ్యక్తి చెప్పాడు. మత్స్యకారులు పోలీసులకు సమాచారం అందించడంతో సహాయక చర్యలు కొనసాగుతున్నాయి. అనంతరం ఐదుగురు మృతదేహాలను వెలికితీశారు.
