పాల వినియోగదారులకు అమూల్ సంస్థ మరోసారి షాకిచ్చింది. కొన్నాళ్లుగా పాల ధరను పెంచుతున్న అమూల్ తాజాగా మరోసారి పెంచేసింది. అన్ని రకాల పాలపై ధరలు పెంచుతున్నట్లు అమూల్ బ్రాండ్ సంస్థ ‘గుజరాత్ కో ఆపరేటివ్ మిల్క్ మార్కెటింగ్ ఫెడరేషన్ (జీసీఎంఎంఎఫ్) ప్రకటించింది. గుజరాత్ మినహా దేశంలోని అన్ని రాష్ట్రాల్లో పాల ధరలు పెరుగుతాయని గురువారం రాత్రి ఓ ప్రకటనలో తెలిపింది. లీటర్ పాలపై రూ.3 వరకు పెంచినట్లు అమూల్ సంస్థ ఎండీ జయేన్ మెహతా తెలిపారు.
చదవండి: విపక్షాల పట్టు.. రెండో రోజు స్తంభించిన పార్లమెంట్
ఈ పెరిగిన ధరలు శుక్రవారం నుంచే అమల్లోకి వచ్చాయి. పాల ఉత్పత్తి, నిర్వహణ వ్యయాలు పెరిగిన కారణంగా ధరలను పెంచాల్సి వస్తోందని సంస్థ వివరణ ఇచ్చింది. ఒక్క పశువుల దాణా ధరలే 20 శాతం వరకు పెరిగినట్లు ప్రకటనలో తెలిపింది. గత ఏడాది 2022లో అమూల్ పాల ధరలను మూడసార్లు పెంచింది. ఆగస్టు, అక్టోబర్ లో లీటర్ పాలపై రూ.2 చొప్పున ధర పెంచిన విషయం తెలిసిందే. పాల ధరలు పెరుగుతుండడంపై వినియోగదారులు ఆందోళన చెందుతున్నారు.
చదవండి: అలా చేస్తే 2030 కల్లా భారతదేశం దివాళా: హర్యానా సీఎం
పెరిగిన ధరలు ఇలా ఉన్నాయి..
అమూల్ తాజా రూ.54
అమూల్ గోల్డ్ రూ.66
అమూల్ ఆవు పాలు రూ.56
అమూల్ ఏ2 గేదె పాలు రూ.70
