Today Gold Rate In Hyderabad
Gold and Silver Rates Today : పసిడిని కొనుక్కోవాలని, పెట్టుబడి మార్గంగా మలుచుకోవాలని ఆలోచనల్లో ఉన్న వారు రోజువారీ పసిడి రేట్లను తెలుసుకుంటూ ఉండటం అత్యావస్యకం. మరి ఇవాల్టి బంగారం, వెండి ధరలు ఎలా ఉన్నాయో తెలుసుకోవడానికి ఇది చదివేయండి. దేశీయ మార్కెట్లో 24 క్యారెట్ల పది గ్రాముల పసిడి ధర మంగళవారం రూ.67,683 ఉండగా బుధవారం నాటికి అది స్వల్పంగా పెరిగింది. దీంతో పసిడి ధర నేడు రూ..67,742గా ఉంది.
చదవండి : అత్యంత వేడిగల సంవత్సరంగా 2023 రికార్డు
హైదరాబాద్‌, విజయవాడ, విశాఖపట్నం, ప్రొద్దుటూరు తదితర ప్రధాన పట్టణాల్లోనూ పది గ్రాముల పసిడి ధర(Gold Rate) రూ.67,742గా కొనసాగుతోంది. ఈ ధరలు మార్కెట్‌ ప్రారంభ సమయంలో ఉన్నవని గుర్తుంచుకోవాలి. కొనుగోలుదారులు నగల్ని కొనుగోలు చేస్తున్నప్పుడు జీఎస్టీ, మజూరీల్లాంటివి అదనంగా తోడవుతాయని గమనించుకోవాలి.
చదవండి : లక్ష ఓట్ల మెజార్టీతో గెలుస్తానన్న పవన్‌
దేశీయ మార్కెట్లలో కిలో వెండి ధర(Silver Rate) మంగళవారం రూ.76,612 ఉండగా, బుధవారం నాటికి రూ.286 తగ్గి రూ.76,326కు చేరుకుంది. హైదరాబాద్‌, విజయవాడ, విశాఖపట్నం, ప్రొద్దుటూరుల్లోనూ దాదాపు ఇదే ధరలు కొనసాగుతున్నాయి.
ఇక అంతర్జాతీయ మార్కెట్లో స్పాట్‌ గోల్డ్‌ ధర తగ్గింది. మంగళవారం ఔన్స్‌ స్పాట్‌ గోల్డ్‌ ధర 2160 డాలర్లు ఉండగా, బుధవారం నాటికి 1 డాలరు తగ్గి 2159 డాలర్లకు చేరుకుంది. ఔన్సు వెండి ధర ప్రస్తుతం 24.98 డాలర్లుగా ఉంది.
