Actor Leena: భారత అంతరిక్ష పరిశోధనారంగంలో మానవ అంతరిక్షయాత్ర కోసం గగన్‌యాన్ కోసం నలుగురు వ్యోమగాముల పేర్లను భారత ప్రధాని నరేంద్ర మోడీ ప్రకటించారు. ఇందులో గ్రూప్ కెప్టెన్‌గా ప్రశాంత్ బాలకృష్ణన్ నాయర్, గ్రూప్ కెప్టెన్ అజిత్ కృష్ణన్, గ్రూప్ కెప్టెన్ అంగద్ ప్రతాప్, వింగ్ కమాండర్ ఎస్ శుక్లా ఉన్నట్లు తెలిపారు. అయితే కెప్టెన్ ప్రశాంత్ బాలకృష్ణన్ నాయర్‌ను మలయాళ నటి లీనా వివాహం చేసుకున్నట్లు ఇటీవల ప్రకటించారు. అది కూడా ప్రధాని ప్రకటన తర్వాత ఈ విషయాన్ని ఆమె సోషల్ మీడియా ద్వారా వెల్లడించారు.
View this post on Instagram
ఇది కూడా చూడండి: Prasad : ‘ఈ మనీ ఆర్డర్’ చేస్తే ఇంటికే అయోధ్య ‘హనుమాన్’ ప్రసాదం
ఫిబ్రవరి 27న మన ప్రధాని మోదీజీ తొలి ఆస్ట్రోనాట్ వింగ్స్‌ను ఎయిర్‌ఫోర్స్ ఫైటర్ పైలట్, గ్రూప్ కెప్టెన్ ప్రశాంత్ బాలకృష్ణన్ నాయర్‌కు అమర్చారు. ఇది మన దేశానికి, కేరళ రాష్ట్రానికి, వ్యక్తిగతంగా నాకు ఎంతో గర్వించదగ్గ విషమని ఆమె తెలిపారు. వృత్తిపరంగా కొన్ని కారణాల వల్ల ఓ విషయాన్ని ఇప్పటివరకు రహస్యంగా ఉంచాల్సి వచ్చిందన్నారు. ఆ విషయాన్ని చెప్పేందుకు ఇంతకంటే గొప్ప సమయం ఉండదు. ఈ ఏడాది జనవరి 17న ప్రశాంత్‌ను వివాహం చేసుకున్నాను. మాది పెద్దలు కుదిర్చిన వివాహం. సంప్రదాయ పద్ధతిలో కొద్ది మంది అతిధుల సమక్షంలో జరిగిందని ఆమె సోషల్ మీడియా ద్వారా తెలిపారు.
ఇది కూడా చూడండి: Addicted to Reels: రీల్స్‌కి బానిసలుగా మారారా..? ఈ సమస్య నుంచి ఇలా బయటపడండి..!
