Train Video:సోషల్ మీడియాలో ప్రతిరోజూ రకరకాల వీడియోలు వైరల్ అవుతున్నాయి. కొన్ని వీడియోలు చాలా భయంకరంగా ఉన్నాయి. వాటిని చూస్తున్నప్పుడు ఒళ్లు జలదరిస్తుంది. రైళ్లలో విన్యాసాలు చేసే చాలా మందిని చూసి ఉంటారు. ప్రభుత్వం ఎప్పుడూ ఇలాంటి విన్యాసాలను ప్రోత్సహించదు. ఇలా చేస్తే కఠిన చర్యలు తీసుకుంటామని ప్రకటనలు జారి చేస్తారు. ప్రస్తుతం మరో రైలు వీడియో వైరల్ అవుతోంది. అందులో నలుగురు గిరిజన పిల్లలు రైలు చక్రాల మధ్య కూర్చొన్ని ప్రయాణిస్తున్నారు. వారు దాదాపు మృత్యువుతో పోరాడి ప్రయాణం కొనసాగించారు. వారి ప్రయాణం చూస్తే షాక్ తినాల్సిందే.
చదవండి:Shruti Haasan: అరుదైన వ్యాధి..తట్టుకోలేకపోతున్న శృతి హాసన్!
ఈ వీడియో జార్ఖండ్‌లోని సింగ్‌భూమ్ జిల్లాకు చెందినది. ఇక్కడ కదులుతున్న గూడ్స్ రైలు చక్రాల మధ్య దాక్కుని నలుగురు చిన్నారులు ప్రయాణిస్తున్నారు. ఇలా ప్రయాణిస్తున్న చిన్నారులను చూసి అదే ప్రాంతంలో పనిచేస్తున్న ఓ కూలీ.. చూసి వారిని వీడియో తీశాడు. అంతటితో ఆగకుండా సదరు వ్యక్తి రైల్వే అధికారులకు సమాచారం అందించాడు. భవిష్యత్తులో ఇలా చేయవద్దని రైల్వే అధికారులు చిన్నారులను మందలించారు.
చదవండి:Chandrababu జగన్ కాలిగోటికి కూడా సరిపోడు: పోసాని
జార్ఖండ్‌లోని సింగ్‌భూమ్ జిల్లాలో చాలా మైనింగ్ పనులు జరుగుతున్నాయి. ఈ వీడియో కిరిబురు లేదా మేఘహతుబురు గని చుట్టూ ఉన్నదని భావిస్తున్నారు. ఈ గూడ్స్ రైలు సరుకు రవాణా పనిలో నిమగ్నమై ఉంది. ఈ గూడ్స్ రైలు ఇనుప ఖనిజాల రవాణాకు ఉపయోగించబడింది. వీడియోలో చిన్నారులు చిన్న పొరపాటు చేసినా ప్రాణాలు గాల్లో కలిసిపోయేవి. రైలు కింద దాక్కున్న చిన్నారులు సారందానికి చెందిన గిరిజన బిడ్డలేనని ప్రచారం జరుగుతోంది.
