Heat Wave : ప్రస్తుతం ఉన్న ఎండలకు మనుషులే అల్లలాడిపోతున్నారు. ఇక మూగ జీవాల సంగతి ఏం చెప్పగలం. ఉత్తర ప్రదేశ్‌లో వడ దెబ్బ తగిలి ఓ కోతి సొమ్మసిల్లి పడిపోయింది. దీంతో స్థానికంగా ఉన్న కానిస్టేబుల్‌ దానికి సీపీఆర్‌(Cpr) నిర్వహించారు. ఛాతిపై బలంగా నొక్కుతూ ఉండగా అది కాసేపటికి స్పృహలోకి వచ్చింది. దీంతో ఈ వీడియో ప్రస్తుతం సోషల్ మీడియాలో వైరల్‌గా మారింది.
చదవండి : ప్రిన్సెస్‌ పాత్ర చేయడమే తన డ్రీమ్‌ రోల్‌ అంటున్న కృతి
ఉత్తర భారత దేశంలో భానుడు నిప్పుల వర్షం కురిపిస్తున్న సంగతి తెలిసిందే. వడ దెబ్బ తగిలి అక్కడ ఇప్పటి వరకు 50 మందికి పైగా మృతి చెందారు. మనుషుల పరిస్థితే ఇలా ఉంటే ఇక మూగ జీవాల పరిస్థితి సైతం అంతే దయనీయంగా మారింది. యూపీలోని(Up) బులందహర్‌లో ఎండ వేడి తట్టుకోలేక ఓ కోతి(Moneky) సొమ్మసిల్లి పడిపోయింది. అక్కడున్న కానిస్టేబుల్‌ వికాస్‌ దాని చూశారు. మనకెందుకులే అని వదిలేయకుండా దానికి సీపీఆర్‌(Cpr) నిర్వహించారు. గుండెలపై గట్టిగా ఒత్తుతూ దానిపై కాస్త చల్లటి నీటిని పోయసాగారు. దీంతో ఆ వానరం కాసేపటికి తేరుకుంది. కళ్లు తెరిచింది.
చదవండి : ఈశాన్య రాష్ట్రాలను ముంచెత్తిన వరదలు.. 40 మంది మృతి
మూగ జీవాల పట్ల కూడా ప్రేమ చూపించే ఇలాంటి వారు ఉండటం ప్రశంసనీయం అంటూ నెటిజన్లు కామెంట్లు పెడుతున్నారు. ఆయన చేసిన మంచి పనిని అదే పనిగా కొనియాడుతున్నారు. దీంతో ఆ వీడియో నెట్‌లో ప్రస్తుతం వైరల్‌గా మారింది. మరింకెందుకాలస్యం దాన్ని మీరూ ఇక్కడ చూసేయండి.
On Camera: Police officer Vikas Tomar performs CPR on an unconscious monkey overwhelmed by severe heat in Uttar Pradesh’s Bulandshahr.#Police #india #monkey pic.twitter.com/1QGrw44RMp
— PATH network (@PATH_network_) May 30, 2024
