Women Cricketers Complaint : హైదరాబాద్ క్రికెట్‌ అసోసియేషన్‌లో మహిళా క్రికెటర్లతో కోచ్ విద్యుత్‌ జైసింహా అసభ్యంగా ప్రవర్తించిన ఘటన వారి ఫిర్యాదుతో వెలుగులోకి వచ్చింది. ఈ ఫిర్యాదును అందుకున్న హైదరాబాద్ క్రికెట్‌ అసోసియేషన్‌ (HCA) కోచ్ తీరుపై ఆగ్రహం వ్యక్తం చేసింది. తక్షణం విధుల నుంచి తప్పుకోవాల్సిందిగా ఆదేశించింది. ఈ ఘటనకు సంబంధించిన వివరాలు ఇలా ఉన్నాయి.
చదవండి : ఎయిర్‌ పాడ్స్‌ని శుభ్రపరచకపోతే ఇన్ఫెక్షన్లు తప్పవు!
హైదరాబాద్ నుంచి విజయవాడకు గత నెలలో మహిళా క్రికెట్‌ జట్టు వెళ్లింది. ప్రణాళిక ప్రకారం వీరు ఫ్లైట్‌లో తిరిగి హైదరాబాద్(hyderabad)కి వెళ్లాల్సి ఉంది. అయితే కోచ్ జైసింహా కావాలనే ఆలస్యం చేశారని ఆరోపణలు వచ్చాయి. దీంతో వారు బస్సులో హైదరాబాద్‌కు తిరుగు ప్రయాణం అయ్యారు. ఆ సమయంలో మద్యం సేవించి ఉన్న ఆయన మహిళా క్రికెటర్లతో అసభ్యకరంగా ప్రవర్తించారని మహిళా క్రికెటర్లు ఆరోపిస్తున్నారు. ఈ విషయాన్నే వారు ఫిర్యదు రూపంలో హెచ్సీఏ కి అందించారు.
చదవండి : శరీరంలోని విష పదార్థాల్ని బయటికి నెట్టివేసే జ్యూస్‌లు ఇవే!
తొలుత ఈ విషయంపై పెద్దగా స్పందించని హెచ్సీఏ కోచ్ మద్యం తాగుతున్న వీడియోలు వార్తా ఛానళ్లలో కనిపించాయి. దీంతో అప్రమత్తమైన అసోసియేషన్‌ కోచ్‌పై తక్షణం వేటు వేస్తున్నట్లు తెలిపింది. వేదింపుల్లాంటివి చోటు చేసుకున్నట్లు రుజువైతే క్రిమినల్‌ కేసులు పెడతామని హెచ్చరించింది.
