Huge Discount On Traffic Challans
Traffic Restrictions : రేపు హైదరాబాద్‌లో పోలీసులు పలు ట్రాఫిక్ ఆంక్షలు విధించారు. రాష్ట్ర ముఖ్యమంత్రిగా రేవంత్ రెడ్డి గురువారం ప్రమాణస్వీకారం చేయనున్న నేపథ్యంలో ఎల్బీ స్టేడియంలో భారీ బహిరంగ సభను ఏర్పాటు చేశారు. ఈ నేపథ్యంలో పోలీసులు ట్రాఫిక్ ఆంక్షలు విధించినట్లు డీజీపీ రవిగుప్తా తెలిపారు. రేపు ఉదయం నుంచి సాయంత్రం వరకు ఎల్బీ స్టేడియం, లక్డీకాపూల్ సహా పరిసర ప్రాంతాల్లో ఆంక్షలు విధించారు. ఎదురుగా వెళ్లే వాహనదారులు ప్రత్యామ్నాయ మార్గాల్లో వెళ్లాలని సూచించారు.
చదవండి:Srinivas Goud: ఆఫీస్లో ఫర్నిచర్ తరలింపు..అడ్డుకున్న విద్యార్థి సంఘ నేతలు
రేపు మధ్యాహ్నం 1.04 గంటలకు రేవంత్ రెడ్డి ముఖ్యమంత్రిగా ప్రమాణ స్వీకారం చేయనున్నారు. రేవంత్ రెడ్డితో పాటు ఐదుగురు మంత్రులు ప్రమాణస్వీకారం చేయనున్నారని తెలుస్తోంది. ఒక డిప్యూటీ సీఎంతో పాటు మరో నలుగురు మంత్రులు ప్రమాణస్వీకారం చేయనున్నారు.ఇప్పటికే ఎల్బీ స్టేడియంలో భారీ ఏర్పాట్లు చేస్తున్నారు. సీఎస్ శాంతికుమారి, డీజీపీ రవిగుప్తతో పాటు పలువురు అధికారులు సభా ఏర్పాట్లను పరిశీలించారు.
చదవండి:Revanth Reddy: సీఎం హోదాలో ఫస్ట్ జాబ్ నీకే ఇస్తాను తల్లి
