BRS Party : లోక్‌సభ ఎన్నికల్లో గెలుపే లక్ష్యంగా బీఆర్ఎస్ పార్టీ దూకుడు పెంచింది. బీఆర్ఎస్ అధినేత కేసీఆర్ మిగిలిన పార్లమెంట్ స్థానాలకు అభ్యర్థులను ప్రకటించారు. అయా నియోజకవర్గాల నేతలతో సమావేశమైన కేసీఆర్.. ఎంపీ అభ్యర్థులను ఫైనల్ చేస్తున్నారు. తాజాగా సికింద్రాబాద్ పార్లమెంటు స్థానం నుంచి పార్టీ అభ్యర్థిగా తీగుళ్ల పద్మారావు గౌడ్‌ను ప్రకటించారు. తాజాగా నల్లగొండ బీఆర్ఎస్ ఎంపీ అభ్యర్ధిగా కంచర్ల కృష్ణారెడ్డి, భువనగిరి బీఆర్ఎస్ ఎంపీ అభ్యర్ధిగా క్యామ మల్లేష్ లను ఫైనల్ చేశారు. ఈ మేరకు పార్టీ శాసన సభ్యులు ప్రజాప్రతినిధులు ఇతర ముఖ్యనేతలతో జరిగిన సమావేశంలో చర్చించి అందరి అభిప్రాయం సేకరించిన అనంతరం ఈ నిర్ణయం తీసుకున్నారు.
చదవండి:Moscow Attack : మాస్కో దాడి కేసులో 11 మంది అరెస్టు.. 93కి పెరిగిన మృతుల సంఖ్య
ఇప్పటి వరకు 16 స్థానాలకు బీఆర్ఎస్ అభ్యర్థులను ప్రకటించింది. హైదరాబాద్‌ పార్లమెంట్ స్థానం పెండింగ్ లో ఉంది. నాగర్‌కర్నూల్‌ నుంచి ఆర్‌ఎస్‌ ప్రవీణ్‌కుమార్‌, మెదక్‌ నుంచి వెంకట్రామిరెడ్డి, మ‌హ‌బూబ్‌న‌గ‌ర్ నుంచి మ‌న్నె శ్రీనివాస్ రెడ్డి, క‌రీంన‌గ‌ర్ నుంచి వినోద్ కుమార్, పెద్దప‌ల్లి నుంచి కొప్పుల ఈశ్వర్, జ‌హీరాబాద్ నుంచి గాలి అనిల్ కుమార్, ఖ‌మ్మం నుంచి నామా నాగేశ్వర్ రావు, చేవెళ్ల నుంచి కాసాని జ్ఞానేశ్వర్ ముదిరాజ్, మ‌హ‌బూబాబాద్ నుంచి మాలోత్ క‌విత, మ‌ల్కాజ్‌గిరి నుంచి రాగిడి ల‌క్ష్మారెడ్డి, ఆదిలాబాద్ నుంచి ఆత్రం స‌క్కు, నిజామాబాద్ నుంచి బాజిరెడ్డి గోవ‌ర్ధన్, వ‌రంగ‌ల్ నుంచి క‌డియం కావ్య బీఆర్ఎస్ తరఫున పోటీ చేయ‌నున్నారు.
చదవండి:Neha Sharma: లోక్ సభ ఎన్నికల్లో బరిలోకి దిగిన ‘చిరుత’ బ్యూటీ
