KMM: తెలంగాణ సాయుధ పోరాటయోధుడు, చింతకాని మండలం ప్రొద్దుటూరు గ్రామానికి చెందిన బొమ్మినేని తిరుపయ్య (98) శుక్రవారం మృతి చెందారు. నైజాం నవాబు ప్రభుత్వానికి వ్యతిరేకంగా జరిగిన అనేక పోరాటాల్లో తిరుపయ్య పాల్గొన్నారు. ప్రజా రక్షణ కోసం సాయుధ పోరాట దళాలలో పాల్గొని ప్రజా సంక్షేమం కోసం పాటుపడ్డారు. గత కొంతకాలంగా అనారోగ్యంతో బాధపడుతున్న ఆయన నేడు తుదిశ్వాస విడిచారు.
