Collapsed indoor stadium at moinabad rangareddy 2 dead and 10 injured
తెలంగాణ రంగారెడ్డి జిల్లా మొయినాబాద్‌లోని కనకమామిడి ప్రాంతంలో నిర్మాణంలో ఉన్న ప్రైవేటు ఇండోర్ స్టేడియంలోని ఒక భాగం సోమవారం కుప్పకూలింది. ఈ ప్రమాదంలో ఇద్దరు వ్యక్తులు మృతి చెందగా.. మరో పది మంది గాయపడ్డారు. విషయం తెలుసుకున్న పోలీసులు ఘటనా స్థలానికి చేరుకుని సహాయక చర్యలు చేపట్టారు. క్షతగాత్రులను ఆస్పత్రికి తరలించారు. మృతుల్లో ఒకరి మృతదేహం లభ్యమైందని రాజేందర్‌నగర్ పోలీస్ డిప్యూటీ కమిషనర్ జగదీశ్వర్ రెడ్డి తెలిపారు. శిథిలాల కింద ఉన్న మరో మృతదేహాన్ని రక్షించేందుకు అధికారులు ప్రయత్నిస్తున్నారు.
#WATCH | Telangana: Two people died, 10 injured as an under-construction private indoor stadium collapsed in Moinabad in Rangareddy district.
According to Rajendernagar DCP, Jagdeeshwar Reddy, “2 died, around 10 injured after a private indoor stadium which is under construction… pic.twitter.com/REEuDvSWY0
— ANI (@ANI) November 20, 2023
స్టేడియం నిర్మాణ అభివృద్ధిలో భాగంగా స్లాబ్‌, సైడ్‌వాల్‌ కూలినట్లు అధికారులు చెబుతున్నారు. పనిచేస్తున్న క్రమంలోనే కాంప్లెక్స్ గోడ కూలి పని చేస్తున్న కూలీలపై పడిందని స్థానికులు చెబుతున్నారు. అయితే మృతి చెందిన ఇద్దరు కూలీలు పశ్చిమ బెంగాల్, బీహార్‌కు చెందిన వారని అధికారులు పేర్కొన్నారు. ఈ ఘటనపై చేవెళ్ల ఏసీపీ పి.ప్రశాంత్‌రెడ్డి సైతం స్పందించారు. ఇండోర్ స్టేడియం నిర్మాణ పనులు జరుగుతుండగా ఈ ఘటన జరిగిందని అన్నారు.
ఇది కూడా చూడండి: MLA Seethakka: అర్ధరాత్రి ఒంటిగంటకు ఎమ్మెల్యే సీతక్క ధర్నా
