CM KCR
CM KCR : లోక్‌సభ ఎన్నికల ప్రచారానికి బీఆర్ఎస్ సిద్ధమైంది. రాష్ట్రంలోని పార్లమెంట్ నియోజకవర్గాల అభ్యర్థుల ఎంపికపై బీఆర్ఎస్ అధినేత, మాజీ సీఎం కేసీఆర్ దృష్టి సారించారు. ఎన్నికల్లో గెలుపే లక్ష్యంగా వ్యూహాలు రచిస్తున్నారు. ఇవాళ తెలంగాణ భవన్ లో కరీంనగర్ ఉమ్మడి జిల్లాల బీఆర్ ఎస్ నేతలతో కేసీఆర్ భేటీ అయ్యారు. కరీనగర్, పెద్దపల్లి ఎంపీ అభ్యర్థులపై కేసీఆర్ క్లారిటీ ఇచ్చేశారు. ఇప్పటికే కరీంనగర్ పార్లమెంట్ స్థానానికి వినోద్ కుమార్, పెద్దపల్లి పార్లమెంట్ స్థానానికి కొప్పుల ఈశ్వర్ పేర్లను కేసీఆర్ ఖరారు చేశారు. ఇప్పటికే పార్లమెంట్ నియోజకవర్గాలపై పార్టీ వర్కింగ్ ప్రెసిడెంట్ కేటీఆర్ సమీక్షలు నిర్వహించిన సంగతి తెలిసిందే.
చదవండి:High Court: డార్లింగ్ అని పిలిస్తే అది లైంగిక వేధింపే
ఈనెల 10న కరీంనగర్ లో భారీ బహిరంగ సభ నిర్వహించాలని బీఆర్ఎస్ భావిస్తోంది. ఈ సభలో కాళేశ్వరం ప్రాజెక్ట్ విషయంలో ప్రభుత్వం పరంగా లేవనెత్తుతున్న ఆరోపణలను తిప్పికొట్టేందుకు మాజీ సీఎం కేసీఆర్ సన్నద్ధమవుతున్నట్లు తెలుస్తోంది. ఈ క్రమంలో బహిరంగ ఏర్పాట్లపైనా ఉమ్మడి కరీంనగర్ జిల్లాల నేతలతో బీఆర్ఎస్ అధినేత చర్చించే అవకాశం ఉంది. కృష్ణానదీ యాజమాన్య బోర్డు (కేఆర్‌ఎంబీ) పరిధిలోకి కృష్ణా జలాల విషయంలో గతంలో నెలలో ఉమ్మడి నల్గొండ జిల్లాలో ఛలో నల్గొండ పేరుతో బీఆర్ఎస్ భారీ బహిరంగ సభ నిర్వహించింది. ఇప్పుడు గోదావరి జలాల విషయంలో కరీంనగర్ లో కూడా భారీ బహిరంగ సభ నిర్వహించి కాళేశ్వరంపై ప్రజలకు సరైన సమాచారం ఇవ్వాలని కేసీఆర్ భావిస్తున్నట్లు తెలుస్తోంది.
చదవండి:Hair Tips: జుట్టు ఆరోగ్యంగా ఉండాలంటే.. మసాజ్ చేయండిలా!
