Mallikarjun Kharge: తెలంగాణలో రేవంత్ సర్కార్ సమర్థవంతంగా పనిచేస్తోందని ఏఐసీసీ అధ్యక్షుడు మల్లికార్జున ఖర్గే అన్నారు. హైదరాబాద్ ఎల్బీ స్టేడియంలో జరిగిన కాంగ్రెస్ సభలో ఆయన పాల్గొని ప్రసంగించారు. కాంగ్రెస్ ప్రభుత్వం ఇచ్చిన ఆరు హామీలను 100 రోజుల్లో అమలు చేస్తామని హామీ ఇచ్చారు. బూత్ స్థాయి కార్యకర్తలే కాంగ్రెస్ పార్టీకి బలమని, పార్లమెంట్ ఎన్నికల్లో నాయకులు, కార్యకర్తలు కష్టపడి పనిచేయాలని ఖర్గే పిలుపునిచ్చారు. మోడీని వ్యతిరేకిస్తున్న తరుణంలో కాంగ్రెస్ నేతలపై ఈడీ, సీబీఐ దాడులు చేసే అవకాశం ఉందన్నారు.
చదవండి:Budget 2024: బడ్జెట్లో జీఎస్టీ తగ్గించాలంటూ ఆర్థికమంత్రిని కోరిన వ్యాపారులు
దేశంలో ప్రజాస్వామ్య పరిరక్షణకు కృషి చేయాలన్నారు. మోడీ సర్కార్ ప్రకటనలు తప్ప చేసేదేమీ లేదని ఖర్గే ఆవేదన వ్యక్తం చేశారు. మాయ మాటలకు ప్రజలు మోసపోవద్దని మోడీ సూచించారు. తెలంగాణ ప్రభుత్వ పనితీరు దేశానికే ఆదర్శంగా నిలవాలని ఆకాంక్షించారు. కాంగ్రెస్ ప్రభుత్వం 100 రోజుల్లో హామీలను అమలు చేస్తుందని స్పష్టం చేశారు. మోడీకి రైతుల కష్టాలు తెలియవని, ప్రజలకు న్యాయం చేయాలనే ఉద్దేశంతో రాహుల్ గాంధీ న్యాయ యాత్ర చేస్తున్నారని అన్నారు. దేశంలో నిరుద్యోగం తగ్గుముఖం పట్టిందని మోడీ ప్రభుత్వం అసత్యాలు ప్రచారం చేస్తోందన్నారు.
చదవండి:Animal: లైన్ క్లియర్.. ఓటిటిలోకి వచ్చేస్తున్న అనిమల్!
