Apple: టెక్ దిగ్గజం అయిన యాపిల్ కంపెనీకు షాక్ తగిలింది. ఈ కంపెనీకి చెందిన రెండు స్మార్ట్ వాచీల అమ్మకాలపై బైడెన్ ప్రభుత్వం నిషేధం విధించింది. అమెరికాలో న్యూఇయర్ హాలిడే వేళ ఈ నిషేధం పడటంతో యాపిల్ భారీగా నష్టపోయే అవకాశముంది. వాచీల పేటెంట్ విషయంలో మెడిక‌ల్ మానిట‌రింగ్ టెక్నాల‌జీ కంపెనీ మాసిమో ఫిర్యాదు ఇచ్చింది. దీని ఆధారంగా యాపిల్ వాచీల దిగుమ‌తిని అడ్డుకోవాల‌ని ప్రభుత్వం ఆదేశించింది. అయితే ఆ ఆదేశాల‌ను స‌వాల్ చేస్తూ ఈరోజు యాపిల్ కంపెనీ కోర్టును ఆశ్ర‌యించింది. వాచీల దిగుమ‌తి, అమ్మకాలపై నిషేధాన్ని ఆపాల‌ంటూ యాపిల్ సంస్థ అప్పీల్స్ కోర్టులో పిటీష‌న్ దాఖ‌లు చేసింది.
ఇది కూడా చూడండి: Devil: కళ్యాణ్ రామ్ ‘డెవిల్’ వివాదం.. డైరెక్టర్ ఓపెన్ లెటర్!
పేటెంట్ వివాదంపై తాము వేసిన అప్పీల్‌పై తుది నిర్ణయం వచ్చేదాకా విక్రయించేందుకు అనుమతించాలని కోరింది. ఇటీవల యాపిల్ విడుదల చేసిన సిరీస్ 9, అల్ట్రా 2 వాచ్‌లపై ఇంటర్నేషనల్ ట్రేడ్ కమిషన్ అక్టోబరులో నిషేధం విధించింది. అయితే ఈ నిషేధాన్ని తొలగించేలా అమెరికా అధ్యక్షుడు జో బైడెన్‌కు వీటో అధికారం ఉంది. కానీ, యాపిల్ విషయంలో జోక్యం చేసుకునేందుకు నిరాకరించడంతో పాటు వీటిని విక్రయించకూడదని అమలు చేసింది. దీంతో కంపెనీ విక్రయాలు 300-400 మిలియన్ డాలర్ల మేర తగ్గే అవకాశాలున్నాయని నిపుణులు అంచనా వేస్తున్నారు.
ఇది కూడా చూడండి: Allu Arjun.. మాస్ ప్రాజెక్ట్ ఫిక్స్ అయినట్టే?
